लंडन, 9 एप्रिल : ब्रिटनचे अर्थमंत्री ऋषी सुनक (Rishi Sunak) यांची पत्नी अक्षता मूर्ती (Akshata Murty) या ब्रिटनच्या राणीपेक्षाही श्रीमंत आहेत. हे ऐकून तुम्हाला आश्चर्य वाटलं असेल, पण हे सत्य आहे. पती-पत्नी दोघेही भारतीय वंशाचे आहेत. अक्षता मूर्ती ह्या भारतीय IT कंपनी Infosys चे संस्थापक अब्जाधीश एनआर नारायण मूर्ती (NR Narayana Murthy) यांची मुलगी आहे. कंपनीने स्टॉक एक्सचेंजला दिलेल्या माहितीनुसार, 42 वर्षीय अक्षता यांच्याकडे इन्फोसिसचे सुमारे एक अब्ज डॉलर्स म्हणजेच 7600 कोटी रुपयांचे शेअर्स आहेत. संडे टाइम्स रिच लिस्ट-2021 नुसार, यामुळे अक्षता मूर्ती राणी एलिझाबेथ II पेक्षा अधिक श्रीमंत झाली आहे. राणी एलिझाबेथ II ची वैयक्तिक संपत्ती सुमारे 460 मिलियन डॉलर म्हणजे 3400 कोटी रुपये आहे. सुनक सध्या अडचणीत अक्षता आणि ऋषी सुनक यांच्याकडे किमान चार मालमत्ता आहेत, ज्यात केन्सिंग्टन, लंडनमधील 7 मिलियन पाउंडचे पाच बेडरूमचे घर आणि कॅलिफोर्नियातील सांता मोनिका येथील एक फ्लॅटचा समावेश आहे. अक्षता ह्या व्हेंचर कॅपिटल कंपनी कॅटामरन व्हेंचर्सची देखील संचालक आहे, ज्याची त्यांनी 2013 मध्ये सुनकसोबत सह-स्थापना केली होती. मात्र, बिट्रेनच्या लोकप्रिय नेत्यांपैकी एक असलेले सुनक सध्या काहीशा अडचणीत सापडले आहेत. यूकेमध्ये ग्राहकांच्या वाढत्या किमतींमुळे सुनक यांची लोकप्रियता कमी झाली आहे. याशिवाय मूर्तींच्या परकीय कमाईला ब्रिटीश कर अधिकाऱ्यांचे संरक्षण असल्याचाही आरोप सुनक यांच्यावर आहे. त्यामुळे सुनक यांच्यावर उत्तर देण्यासाठी दबाव वाढला आहे. Rakesh Jhunjhunwala यांनी ‘या’ बँकेत वाढवली आपली हिस्सेदारी; वर्षभरात आधीच दिलाय 70 टक्के परतावा अक्षता यांचीही स्वतःची कंपनी अक्षता मूर्ती यांनी या आठवड्यात सांगितले की तिच्या इन्फोसिसच्या भागभांडवलातून मिळणारा परतावा केवळ यूकेच्या बाहेर कर आकारणीसाठी जबाबदार आहे. अक्षता यांनी 2010 मध्ये स्वतःचे फॅशन लेबल अक्षता डिझाइन्स सुरू केले. 2011 च्या व्होग प्रोफाइलनुसार, ती भारतीय-मीट्स-वेस्टर्न फ्यूजन (Indian-meets-Western fusion) कपडे तयार करण्यासाठी दुर्गम खेड्यांमध्ये कलाकारांसोबत काम करते. अक्षता यांचे वडील नारायण मूर्ती यांनी 1981 मध्ये इन्फोसिस या दिग्गज टेक कंपनीची स्थापना केली. आपल्या पत्नीकडून 10 हजार रुपये कर्ज घेऊन कंपनी सुरू करणाऱ्या मूर्ती यांची इन्फोसिस आज 100 अब्ज डॉलरची कंपनी आहे. अमेरिकन वॉल स्ट्रीटवर सूचीबद्ध होणारी ही पहिली भारतीय कंपनी होती. 2009 मध्ये विवाह अक्षता आणि ऋषी यांची भेट एमबीएच्या अभ्यासादरम्यान अमेरिकेतील स्टॅनफोर्ड विद्यापीठात झाली. ऋषी यांनी आधीच ऑक्सफर्डमधून प्रथम श्रेणीची पदवी घेतली होती. 2009 मध्ये दोघांचे लग्न झाले होते. या रिसेप्शनला राजकारणी, उद्योगपती आणि क्रिकेटपटूंसह सुमारे 1,000 पाहुणे उपस्थित होते.