मुंबई, 15 जून : जागतिक बाजारातील तेजीमुळे बुधवारी सकाळी भारतीय वायदे बाजारात सोन्या-चांदीच्या दरात उसळी आली. सोन्याच्या किमतीत वाढ होऊनही त्याची विक्री 50 हजार रुपये प्रति 10 ग्रॅमच्या आसपास होत आहे, तर चांदीचा भाव 60 हजारांच्या खाली आहे. मल्टीकमोडिटी एक्सचेंज (MCX) वर, 24 कॅरेट शुद्ध सोन्याचा भाव सकाळी 85 रुपयांनी घसरून 50,280 रुपये प्रति 10 ग्रॅम झाला. यापूर्वी सोन्याचा व्यवहार 50,261 रुपयांवर सुरू झाला होता. सोन्याचा भाव मागील बंदच्या तुलनेत 0.17 टक्क्यांनी वाढला आणि 5,300 च्या जवळ पोहोचला. मार्चच्या सुरुवातीला सोन्याचा वायदा भाव 57 हजार रुपये प्रति 10 ग्रॅमच्या आसपास पोहोचला होता, परंतु त्यानंतर सतत घसरण पाहायला मिळत आहे. चांदीची किंमत देखील वाढली सोन्याच्या धर्तीवर आज चांदीच्या भावातही वाढ झाली आहे. सकाळी एमसीएक्सवर चांदीचा भाव 372 रुपयांनी वाढून 59,873 रुपये प्रतिकिलो झाला. यापूर्वी चांदीचा व्यवहार 59,800 च्या पातळीवर सुरू झाला होता, परंतु मागणी वाढल्याने लवकरच त्याची किंमत मागील बंदच्या तुलनेत 0.63 टक्क्यांनी वाढून 60 हजारांवर पोहोचली. मार्चमध्ये चांदीचा भावही 73 हजार रुपये प्रति किलोच्या आसपास पोहोचला होता. Google Maps: प्रवास सुरु करण्याआधीच मिळेल टोल खर्चाचा अंदाज, टोल फ्री रस्तेही दाखवणार; गूगलचं खास फीचर जागतिक बाजारातही तेजी दिसून आली जागतिक बाजारात आज सोन्या-चांदीच्या दरात मोठी उसळी पाहायला मिळत आहे. यूएस सराफा बाजारात, सकाळी सोन्याची स्पॉट किंमत 0.16 टक्क्यांनी वाढून $ 1,813.84 प्रति औंस झाली, तर चांदीची स्पॉट किंमत 21.14 डॉलर प्रति औंस झाली. तो मागील बंदच्या तुलनेत 0.19 टक्क्यांनी वाढ दर्शवत आहे. रशिया-युक्रेन युद्धामुळे उद्भवलेल्या संकटामुळे जागतिक बाजारात सोन्याचा भाव प्रति औंस 2,000 डॉलरवर गेला तर चांदीचा भाव 27 डॉलर प्रति औंस झाला. येत्या काळात EMI आणखी वाढणार; फिच रेटिंग्सचा अंदाज, डिसेंबरपर्यंत RBI चे व्याजदर 5.9 टक्क्यापर्यंत पोहोचणार? किंमत वाढण्याचं कारण अमेरिकेची मध्यवर्ती बँक फेडरल रिझर्व्हने महागाईवर नियंत्रण ठेवण्यासाठी पुन्हा एकदा व्याजदर वाढवण्याचे संकेत दिले आहेत. यावेळीही 0.50 टक्के व्याज वाढण्याची अपेक्षा अनेक तज्ज्ञ व्यक्त करत आहेत. फेड रिझर्व्हच्या या हालचालीमुळे अमेरिकन शेअर बाजारात घसरणीचा कल कायम आहे. त्यामुळे गुंतवणूकदार हे सुरक्षित ठिकाण म्हणून सोन्यात गुंतवणूक करत आहेत. अशाप्रकारे सोन्याची मागणी वाढल्याने त्याच्या किमतीतही उसळी आली आणि त्याचा परिणाम भारतीय बाजारावरही दिसून येत आहे.