जम्बो पाणीपुरी खाताना होते अनेकांची फजिती, तुम्ही स्वीकारणार का चॅलेंज? Video

मुंबई, 4 नोव्हेंबर : फास्ट फुडमधील सर्वात लोकप्रिय पदार्थ म्हणजे पाणीपुरी. भेळ, रगडा पॅटीस, कचोरी, पाव भाजी या सर्व पदार्थांमध्ये पाणीपुरीची लोकप्रियता ही सर्वात जास्त आहे. मुंबई मध्ये कोणत्याही भागात गेला तर तेथील पाणीपुरी स्टॉलवर संध्याकाळी होणारी गर्दी हे याचे उदाहरण आहे. पाणीपुरी विक्रेत्यांची संख्या मोठी असल्यानं आपल्याकडील चव इतरांपेक्षा कशी वेगळी असेल हा प्रयत्न प्रत्येक ग्राहक करत असतात. मुंबईतल्या मुलुंड भागात जम्बो पाणीपुरी मिळते. वाटी एवढ्या आकाराची ही पूरी खाताना खाणाऱ्याची चांगलीच फजिती होते. कुठे मिळते ही पाणीपुरी? मुलुंडच्या कालिदास थिएटरजवळ संतोष गुप्ता यांचे दुकान आहे. दिव्यांग असलेल्या संतोष यांनी सुरुवातीला इथं नॉर्मल पाणीपुरी विकण्यास सुरुवात केली. त्याला चांगला प्रतिसाद मिळाला नाही म्हणून त्यांनी वाटी एवढी जम्बो पाणीपुरी विकण्यास सुरूवात केली. त्यांची कल्पना आता चांगलीच हिट झालीय. कशी बनते ही जम्बो पुरी? या पाणीपुरीत रगडा आणि पाणी इतर पाणीपुरी सारखेच असते. यात फक्त पुरी मोठी असते. वाटीच्या आकाराची पुरी संतोष व त्यांचं कुटुंबीय घरीच बनवतात. त्याचबरोबर पाणी सुद्धा घरीच तयार केलं जातं. फक्त 30 सेंकदामध्ये तयार होणारी थंडगार आईस भेळ तुम्ही खाल्लीय? पाहा Video कशी आहे चव? ही पाणीपुरी खाताना तिखट पाणी घ्यायला ग्राहकांची पसंती असते. ही पुरी एका प्रयत्नात तोंडात मावत नाही. अनेकदा ती खाणाऱ्याची फजिती होते. त्यांचे कपडे देखील खराब होता. त्यानंतर जम्बो पाणीपुरीची लोकप्रियतेमध्ये सातत्यानं वाढ होत आहे. ‘मी दिव्यांग असून माझं छोटसं कुटुंब आहे. या कुटुंबाचं पोट भरण्यासाठी मी गोळ्या बिस्कीटचं लहान दुकान चालवतो. या दुकानासोबतच पाणीपुरीची विक्री करतो. ग्राहकांच्या आकर्षणासाठी जम्बो पाणीपुरी बनवायला सुरूवात केली. त्याला चांगला प्रतिसाद मिळतोय,’ असे गुप्ता यांनी सांगितले.  तर ही पाणीपुरी खाण्याची मजा काही औरच आहे. आम्ही दर दोन दिवसांनी इथं खायला येतो, अशी प्रतिक्रिया ग्राहकांनी दिली आहे. संपूर्ण मुंबई पालथी घातली तरी ‘असा वडापाव’ मिळणार नाही, पाहा Video गुगल मॅपवरून साभार ही पाणीपुरी कुठे मिळते? मुलुंड पश्चिम येथील कालिदास नाट्यगृहाच्या मुख्य प्रवेशद्वाराजवळ ही गुप्ता यांचे दुकान आहे. त्यामध्ये ही जम्बो पाणीपुरी मिळते. जम्बो पाणीपुरीसाठी संपर्क - 090040 07884

• First Published : November 4, 2022, 10:18 am IST