मुंबई, 14 नोव्हेंबर : बटाट्याचे सर्वच पदार्थ भारतात लोकप्रिय आहेत. उदा. वडा-पाव, पाव भाजी, फिंगर चिप्स, पराठे, बर्गर इत्यादी. यामधील विविध प्रकार तुम्ही खाल्ले सुद्धा असतील. यामध्येच मुंबई मध्ये बटाट्याचा आणखी एक पदार्थ प्रसिद्ध असून हा पदार्थ काहीच ठिकाणी खायला मिळतो. त्यापैकीच एक मुंबईतील नायगांव परिसरात फूड डूड्स दुकान होय. हे दुकान वेफर्स पाव या खाद्य पदार्थासाठी प्रसिध्द आहे. या ठिकाणचा वेफर्स पाव वडापावला सुद्धा टक्कर देत असून इथे वेफर्स पाव खाण्यासाठी लहान मुलांपासून ते महाविद्यालयांच्या तरुणांची गर्दी असते. मुंबईतील दादर पूर्व येथील नायगांव परिसरात राहणाऱ्या 22 वर्षीय बिट्टू गुप्ता या तरुणाने एक आगळा वेगळा प्रयोग करून एक वेफर्स पाव खवव्यांसाठी बाजारात आणलेला आहे. बिट्टू गुप्ता हा 10 वी पास असून त्याने आयटीआयचा कोर्स केलेला आहे. आयटीआयचा कोर्स पूर्ण झाल्यानंतर मकेनिक म्हणून काम करत असताना त्याच्या असं लक्षात आले की त्याला या कामात इच्छा होत नाही आहे. त्यामुळे बिट्टूने नोकरी सोडून स्वतःचा व्यवसाय सुरु केला. आज गेली सहा वर्ष नायगांव परिसरात फूड डूड्स या दुकानात तो भेळपुरी, सँडविच, पिझा सोबत तो वेफर्स पाव विकत आहे.
पॅटिस पावची चवच भारी; एकदा खाल तर बोटं चाखाल! कुठं मिळतोय पाहा Video
कशी सुचली वेफर्स पावची कल्पना ? एक दिवस दुकानात काम करत असताना खुप उशीर झाला. त्यावेळी रात्री भूक लागली असता बाहेरून जेवण आणायचे ठरले. पण बाहेर असलेले होटेल सुद्धा बंद झाले होते. अश्यावेळी बिट्टू याला एका दुकानात फक्त पाव मिळाले. हेच पाव घेऊन बिट्टू दुकानात आला आणि दुकानात उरलेली हिरवी चटणी, काही सॉस, असे पावाला लावून त्यावर दुकानातील वेफर्स वापरून ते खाल्ले पण चक्क या प्रयोगाने बिट्टू याला थेट व्यवसायात आणखी एक नवीन पदार्थ विकण्याची कल्पना सुचली. बिट्टू याने आपल्या मित्रांना हा पदार्थ सुरुवातीला खाऊ घातला असता त्यांना देखील वेफर्स पाव हा पदार्थ आवडला. या वेफर्स पावची किंमत ही 20 रुपयांपासून सुरू होते आणि 40 रुपयांपर्यंत आहे. यामध्ये साधा वेफर्स पाव, मसाला वेफर्स पाव, तंदुरी वेफर्स पाव, जंबो वेफर्स पाव, व्ही आय पी वेफर्स पाव, फेलवर वेफर्स पाव अश्या अनेक प्रकारचे वेफर्स पाव इथे मिळतात.
Mumbai : संपूर्ण मुंबई पालथी घातली तरी ‘असा वडापाव’ मिळणार नाही, पाहा Video
वेफर्स पाव बनवताना वेगळ्या फ्लेवर्सचे वेफर्स वापरले जातात हा वेफर्स पाव बनविताना यामध्ये वेग वेगळ्या फ्लेवर्सचे वेफर्स वापरले जातात. तर, हिरवी चटणी, टोमॅटो सॉस, मेयोनिज, तंदुरी मसाला, चीज इत्यादीचा वापर करून या वेफर्स पावला टोस्ट केलं जातं. आज शाळेतील विद्यार्थी, कॉलेज मधील विद्यार्थी माझ्या इथे आवडीने वेफर्स पाव खायला येतात. तर मला इथेच न थांबता पुढे जाऊन स्वतःचा कॅफे सुरू करायचा आहे. माझं हे स्वप्न आहे. मला हे लवकर पूर्ण करायचं आहे. या कॅफे मध्ये तुम्हाला अश्याच वेगळ्या खाद्य पदार्थ खाण्यासाठी मिळतील. सध्या मला 40 ते 50 हजार रुपये उत्पन्न या दुकानातून मिळतं, असं बिट्टूने सांगितले.