पॅटिस पावची चवच भारी; एकदा खाल तर बोटं चाखाल! कुठं मिळतोय पाहा Video

loमुंबई, 7 नोव्हेंबर : मराठी माणूस आणि व्यवसाय म्हटलं की थोडं आपण जरा दचकतोच. दोन भावांनी मिळून पाणीपुरीसोबत पॅटिस पाव सुरू करण्याचा निर्णय घेतला. बघता बघता त्याला उत्तम प्रतिसाद मिळाला आणि आज तोच पदार्थ सगळ्यात जास्त प्रसिद्ध झाला. नवी मुंबई तील वैभव सावंत आणि त्यांच्या भावाने हा व्यवसाय सुरु केला. आज त्यांचं अख्ख कुटुंब त्यांच्या या व्यवसायात त्यांना साथ देत आहे. अशी चव कुठे नाही…. कोरोना काळात त्यांनी कोल्हापुरात पॅटिस पाव सुरु केला होता. त्यासोबत पाणीपुरी, भेळ, इतर पदार्थ ठेवले होते. कोरोनानंतर त्यांनी नवी मुंबईतील नेरुळ इथे हा व्यवसाय सुरु केला. त्यांच्या पॅटिस पावची खासियत म्हणजे स्पेशल चटणी आहे. तीन वेगवेगळ्या प्रकारच्या चटण्या ते यामध्ये वापरतात. टेस्ट आणि बेस्ट पदार्थ तुम्हाला जर खायचा असेल तर पॅटिस पाव हा सर्वोत्तम पर्याय आहे. या क्षेत्रात त्यांना जवळपास 22 वर्ष झाली असं वैभव सावंत सांगतात. ते म्हणतात की आम्ही याआधी कोल्हापूर, कुर्ला या ठिकाणी देखील हा व्यवसाय केला. आता सध्या नेरुळ इथे पॅटिसपाव सुरू केलं आहे. आम्ही आलू टिक्की, चटण्या आणि इतर मसाले घरीच तयार करतो. पाणीपुरीसाठीचे पाणी देखील घरीच तयार केलं जातं. त्यामुळे तुम्हाला ही टेस्ट इतर ठिकाणी मिळणार नाही. घरी केलेल्या मसाल्यांचा प्लेवर चाटमध्ये एक वेगळा स्वाद निर्माण करतो.

काय आहे पाव पॅटीस? रगडा पॅटिस हा प्रकार तुम्ही खाल्ला असेल, पण पॅटिस पाव ऐकलं की थोडं विचित्र वाटतं. हा काय नक्की प्रकार आहे. मुंबईत काही ठिकाणी अशा वेगवेगळ्या प्रकारच्या गोष्टी खायला मिळतात. दुसऱ्या लॉकडाऊनंतर नवी मुंबईत नेरुळच्या सेक्टर 10 मध्ये असाच एक भन्नाट प्रकार मिळतो. ज्याचं नाव आहे पॅटिस पाव. पाणीपुरीच्या गाडीवर गेल्यानंतर पाणीपुरी सोडून चक्क आधी पॅटिस पाव खायला येतात. आलू टिक्की ही बटरवर फ्राय करून पावासोबत दिली जाते. त्यामध्ये खरी जादू असते ती चटणीची, चिंचेची चटणी आणि तिखट चटणी पावाला लावून पॅटिस त्यामध्ये भरलं जातं आणि ते तव्यावर गरम करून खायला दिलं जातं. जम्बो पाणीपुरी खाताना होते अनेकांची फजिती, तुम्ही स्वीकारणार का चॅलेंज? Video

गुगल मॅपवरून साभार

कुठे खाणार पाव पॅटीस? नेरुळच्या सेक्टर 10मध्ये फक्त एन्जॉय नावाने ही गाडी लागते. रोज संध्याकाळी 5 वाजता ही गाडी लागते. सर्वात महत्त्वाचं म्हणजे पॅटिस पावसोबत इथे पाणीपुरी, रगडापुरी ओली भेळही सुंदर मिळते फक्त पॅटिस पाव जरा जास्त प्रसिद्ध आहे. हा व्यवसाय करणारे दोन्ही मराठी माणसं आहेत. मराठी माणूस सहसा व्यवसाय करायला घाबरतो. इथे मात्र परिस्थिती उलटी पाहायला मिळाली. उत्तम बोलणं आणि तेवढीच स्वच्छ आणि चांगली सेवा. त्यामुळे शनिवार रविवार इथे खाणाऱ्यांची तर मोठी गर्दी होते. एवढंच नाही तर पॅटिस पाव अगदी बोटं चाखून खाल्लं जातं. संपूर्ण मुंबई पालथी घातली तरी ‘असा वडापाव’ मिळणार नाही, पाहा Video या पॅटिस पावची किंमत फक्त 15 रुपये आहे. नेरुळ स्टेशनला उतरल्यानंतर तुम्हाला 6 नंबर प्लॅटफॉर्मकडे चालत यायचं आहे. तिथून तुम्ही सरळ चालत फिश मार्केटमधून पुढे आलात की तुम्हाला फक्त एन्जॉयची गाडी संध्याकाळच्या वेळी लागलेली दिसेल.

• First Published : November 7, 2022, 5:06 pm IST