जगात माशांच्या अशा काही प्रजाती आहे ज्या मानवी जीवनासाठी धोकादायक असतात. आपल्याला मासे खायला आवडतं परंतु असे काही मासे पाण्यात असतात ज्यांच्या केवळ चावण्यामुळं आपला मृत्यू होऊ शकतो. कारण ब्रिटनच्या समूद्रकिनाऱ्यावर लायनफिश (Lionfish) नावाचा मासा पहिल्यांदाच आढळला आहे. हा अतिशय धोकादायक (Deadliest Lionfish) मासा आहे. ज्याच्या चावण्यामुळं माणसाचा मृत्यूही होऊ शकतो. पाहा त्याचे काही PHOTOS
लायनफिश नावाच्या या माशामध्ये फक्त एका डंकाने मानवाला अर्धांगवायू होण्याची शक्यता असते. कित्येकदा त्याच्या केवळ चाव्यामुळे लोकांनी आपला जीव गमावला आहे.
अनेकदा समुद्रकिनाऱ्यावर विविध मासे सापडतात. पर्यटकांनी गजबजलेल्या किनाऱ्यावर हा मासा आढळला तर त्यापासून त्यांना धोका असतो. पंरतु याआधी लायनफिश कोणत्याही ब्रिटिश समुद्रकिनाऱ्यावर दिसली नव्हती. ती आता दिसली आहे.
सागरी जीवांचे अभ्यासक म्हणतात की पकडलेला हा मासा इटलीहून ब्रिटनपर्यंत पोहचला आहे. 39 वर्षीय आरफॉन समर्स यांनी हा मासा पकडला आहे.
या माशामध्ये विषानं भरलेले 13 काटे असतात. हे मासे जिथे जातात तिथं इतर समुद्री जीवांच्या प्रजातींचं नुकसान करतात. सामान्यतः दक्षिण प्रशांत आणि हिंदी महासागरात आढळणारे हे मासे ग्लोबल वॉर्मिंगमुळे भूमध्य समुद्रात आढळू लागले आहेत.
या माशाकडं विषारी डंख आहेत जे माणसाला चावल्यानंतर खूप वेदनादायक ठरतात. लायनफिशच्या डंकांमुळे वेदना आणि श्वास घ्यायला त्रास होणं अशा समस्या सुरू होतात. या माशाचा डंक इतका विषारी आहे की तो माणसाचा जीवही घेऊ शकतो.