नवी दिल्ली, 15 ऑक्टोबर : रक्तदाब वाढणं, कमी होणं ही अशी समस्या आहे, जी आपल्या दैनंदिन जीवनशैलीवर खूप परिणाम करते. जर तुम्ही कमी रक्तदाबाच्या (Low BP) समस्येचा सामना करत असाल तर त्याचा तुमच्या आजच्या आयुष्यावर खूप परिणाम होतो. मेडिकल न्यूज टुडे च्या माहितीनुसार, कमी रक्तदाबाचा त्रास असलेल्या लोकांना रक्तदाब वाढवण्यासाठी औषधे किंवा इतर उपचारांची गरज नसते. कमी रक्तदाब सामान्य करण्यासाठी आपण केवळ नैसर्गिक पद्धती आणि जीवनशैलीत बदल करून तो सामान्य (नॉर्मल) ठेवू शकतो. कमी रक्तदाबाच्या समस्येवर मात करण्यासाठी आपण काय करू शकता याविषयी जाणून घ्या. Low BP वर उपाय - मीठ सेवन - कमी सोडियम अन्न प्रत्येकासाठी आरोग्यदायी नसते. जर तुम्ही कमी रक्तदाबाच्या समस्येने त्रस्त असाल तर मीठाचे सेवन करा. अल्कोहोल नको- अल्कोहोलच्या सेवनाने तुमचा रक्तदाब आणखी कमी होतो. अशा परिस्थितीत मद्यपान शक्यतो टाळा. हे वाचा - तुमचं खाद्यतेल भेसळयुक्त तर नाही ना? घरच्या घरी भेसळ ओळखण्याची सोपी पद्धत क्रॉस पाय - जेव्हा तुम्ही एकमेकांवर पाय ठेवून बसता तेव्हा ही पद्धत तुमचा रक्तदाब नियंत्रणात ठेवण्यास मदत करते, जर तुमचा रक्तदाब जास्त असेल तर असे बसणे हानिकारक ठरू शकते. पाणी पिणे - जास्त पाणी प्यायल्याने शरीरातील रक्ताचे प्रमाण सुधारते, जे रक्तदाब कमी होण्याचे प्रमुख कारण आहे. हे डिहायड्रेशन कमी करण्यास देखील मदत करते.
थोडे-थोडे खा - जर तुम्हाला कमी रक्तदाब नियंत्रित करायचा असेल तर दिवसातून 3 वेळा खाण्याऐवजी 6 ते 7 वेळा कमी प्रमाणात खा. एकाच वेळी जास्त खाल्ल्याने रक्तदाब कमी होऊ शकतो. झटक्याने उठू नका - जर तुम्ही झटका देऊन उठलात किंवा बसलात तर तुम्हाला कमी रक्तदाबाची समस्या त्रास देऊ शकते. (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)