Year Ender 2021 : या वर्षी अनेक चांगले चित्रपट प्रदर्शित झाले, ज्यामध्ये अनेक कलाकारांनी आपल्या दमदार अभिनयाने प्रेक्षकांची मने जिंकली. त्यात अभिनेता कार्तिक आर्यन, मनोज बाजपेयी, विकी कौशल, तारा सुतारिया, नुसरत भरुचा यांसारखे अभिनेते 2021 मध्ये प्रदर्शित झालेल्या चित्रपट आणि वेब सीरिजमधील सर्वात जबरदस्त कलाकार ठरलेले आहेत.
या वर्षी प्रदर्शित झालेल्या 'धमाका' चित्रपटातील कार्तिक आर्यनची भूमिकेची फार चर्चा झाली होती. त्याचप्रमाणे विक्की कौशलने 'उधम' चित्रपटात आपल्या दमदार अभिनयाची चुणूक दाखवली. तारा सुतारियाने तडप या चित्रपटात आपल्या अभिनयाची कला दाखवली. विद्या बालन 'शेरनी' चित्रपटात अनोख्या अंदाजात दिसली होती. 'स्पेशल ऑप्स 1.5' मध्ये अभिनेते के मेनन आणि 'द फॅमिली मॅन 2' मध्ये अभिनेता मनोज बाजपेयी यांनी ही आपल्या दमदार अभिनयाने प्रेक्षकांच्या मनात स्थान निर्माण केलं.
कार्तिक आर्यनला रोमँटिक-कॉमेडी जॉनरच्या चित्रपटांमध्ये प्रेक्षकांनी चांगलीच पसंती दिली आहे, परंतु यावर्षी त्याने 'धमाका' चित्रपटात त्याने आपल्या कारकिर्दीतील सर्वोत्तम अभिनय केला आहे.
अभिनेत्री तारा सुतारिया तिच्या स्क्रीन प्रेझेन्सने प्रेक्षकांना प्रभावित करण्यात यशस्वी झाली. तिने 'तडप'मध्ये चांगला अभिनय केला आहे.
विकी कौशलने 'उधम' मध्ये साधा पण मनोरंजक अभिनय केला होता. म्हणून त्याच्या अभिनयाकडे प्रेक्षकांना दुर्लक्ष करता येणार नाही.
नुसरत भरुचाने प्रथम 'अजीब दास्तां' द्वारे लोकांचे लक्ष वेधून घेतले, त्यानंतर 'छोरी' मधून तिच्या अभिनयाने लोकांना मंत्रमुग्ध केलं आहे.
प्रसिद्ध अभिनेत्री विद्या बालनकडं स्वतःचं एक वेगळं स्टारडम आहे. तिनं 'शेरनी' या चित्रपटात केलेल्या अभिनयामुळं तिचं फार कौतूक झालं होतं.
फातिमा ही एक प्रतिभावान अभिनेत्री आहे. 'अजीब दास्तां' मधील तिच्या भूमिकेने तिला देशातील सर्वोत्कृष्ट अभिनेत्रींच्या पंक्तीत बसवलं आहे.
मनोज बाजपेयीने 'द फॅमिली मॅन 2' मधील आपल्या अभिनयाने प्रेक्षकांना खिळवून ठेवलं होतं. मनोज बाजपेयी आजवरच्या सर्वोत्कृष्ट अभिनेत्यांपैकी एक आहे यात शंका नाही.
प्रसिद्ध अभिनेते के के मेनननं 'स्पेशल ऑप्स 1.5' मध्ये उत्तम अभिनय केलेला आहे. या सिरीजचा शेवटचा सीझनही खूप गाजला.