Father’s Day 2021: आज फादर्स डे निमित्त जाणून घेऊया अशा अभिनेत्रींबद्दल आणि त्यांच्या वडिलांबद्दल ज्यांनी देशसेवेसाठी त्यांचं आयुष्य खर्च केलं होतं.
बॉलिवूडमध्ये आज आघाडीच्या अभिनेत्री असणाऱ्या काही जणी आर्मी बॅकग्राउंडच्या आहेत. त्यांच्यावर लष्कराचे संस्कार झाले आहेत. या अभिनेत्रींचे वडील सैन्यात होते
बॉलिवूडच्या अनेक प्रसिद्ध अभिनेत्रींचे वडील लष्करी सेवेत होते. त्यांची वेगवेगळ्या ठिकाणी पोस्टिंग झालेली होती आणि अनेकांनी प्रत्यक्ष यु्द्धात किंवा कारवाईतही भाग घेतलेला होता.
अभिनेत्री ऐश्वर्या राय बच्चनचे वडील कृष्णराज राय लष्करात बायोलाॅजिस्ट होते. घरी कडक शिस्त होती. अॅशचा भाऊ आदित्यही मर्चंट नेव्हीत इंजिनियर आहे.
प्रियांका चोप्राचे वडील डाॅ. अशोक चोप्रा आणि आई मधू चोप्रा भारतीय सैन्यात फिजिशियन म्हणून काम करत होते.
अभिनेत्री निमरत कौरचे वडील लष्करात होते. निमरतनं एका इंटरव्ह्यूत म्हटलं होतं की तिच्या वडिलांना हिजबुल मुजाहिद्दीनच्या दहशतवाद्यांनी बंदी बनवून ठार मारलं होतं. ही घटना 1994ची आहे.
अनुष्का शर्माचे वडील अजय कुमार शर्मा सैन्यात कर्नल होते. तिचा मोठा भाऊ कर्नेश शर्मा मर्चंट नेव्हीत होता.
प्रिती झिंटाचे वडील दुर्गानंद झिंटा लष्करात होते. प्रिती 13 वर्षांची असताना त्यांचा एका दुर्घटनेत मृत्यू झाला.