मुंबई, 09 फेब्रुवारी : कलर्स मराठीवरील ‘सूर नवा ध्यास नवा’ या कार्यक्रमातून अवघ्या महाराष्ट्राची मने जिंकणारी डोंबिवलीकर अक्षया अय्यर ही यंदाची रागायिका ठरली आहे. पद्मश्री हरीहरानजी यांनी सूर नवा ध्यास नवाच्या विजेत्याच नाव घोषित केले. २२ सुरवीरांचा सुरेल प्रवास पाच महिन्यांआधी सुरू झाला आणि या प्रवासामध्ये स्पर्धकांना बरेच काही शिकायला मिळाले आणि याच स्पर्धकांमधून कार्यक्रमाच्या मंचाला शिलेदार रविंद्र खोमणे, स्वराली जोशी, अक्षया अय्यर, अमोल घोडके, राजू नदाफ, श्रावणी वागळे हे शिलेदार मिळाले. या स्पर्धकांमध्ये सूर नवा ध्यास नवा – स्वप्न सुरांचे स्वप्न सार्‍यांचे कार्यक्रमाचा आज महाअंतिम सोहळा रंगला होता. या सहा जणांमधून अक्षया अय्यरने बाजी मारली. पद्मश्री हरीहरानजी यांनी सूर नवा ध्यास नवाच्या विजेत्याच नाव घोषित केले. अक्षया अय्यरला कलर्स मराठीतर्फे दोन लाख रुपये, वामन हरी पेठे सन्स यांनी डिझाईन केलेली मानाची सुवर्णकटयार आणि केसरी टुर्सतर्फे सिंगापूरची टुर मिळाली. तसंच रविंद्र खोमणेला, स्वराली जोशी, अमोल घोडके, राजू नदाफ, श्रावणी वागळे या उपविजेत्यांना कलर्स मराठीतर्फे एक लाख रुपयांचा धनादेश आणि ट्रॉफी, तसंच उपविजेते, कॅप्टन्स, सूत्रसंचालक यांना केसरी टुर्सतर्फे गिफ्ट व्हाऊचर मिळाले. टसूर नवा ध्यास नवा’ कार्यक्रमामध्ये झुंझार अमोल घोडकेचा बुलंद आवाज, जिच्या ध्यानीमनी सतत असतात गाणी अशी श्रावणी वागळे, लिटल वंडर अक्षया अय्यरचे कुठलेही गाणे सहज गाण्याची कला, मराठवाड्याचे खणखणीत नाणे रविंद्र खोमणे, जिच्या आवाजाची खुमारी सर्वांपेक्षा निराळी अशी स्वराली जोशी, टीपेचा सूर आणि मिलाफ राजू नदाफ यांनी प्रेक्षकांची मनं जिंकली. कार्यक्रमामधील एका पेक्षा एक सुरेल स्पर्धकांना मागे टाकत या सहा स्पर्धकांनी अंतिम फेरीमध्ये जाण्याचा मान मिळवला. महाअंतिम सोहळ्यामध्ये अवधूत गुप्ते आणि महेश काळे यांनी त्यांच्या दमदार गाण्यांनी स्पर्धक आणि प्रेक्षकांना मंत्रमुग्ध केले. महेश काळे यांनी गाण सादर करून उपस्थितांना पुन्हा एकदा भारावून टाकले. तर कार्यक्रमाची रंगत वाढविण्यासाठी आणि स्पर्धकांना प्रोत्साहन देण्यासाठी कलर्स मराठीच्या परिवारातील प्रेक्षकांचे लाडके कलाकार उपस्थित होते. सुखाच्या सरींनी हे मन बावरे, जीव झाला येडापिसा, स्वामिनी, बाळूमामाच्या नावानं चांगभलं आणि राजा रानीची गं जोडी मालिकेमधील कलाकारांनी महाअंतिम सोहळ्यामध्ये हजेरी लावली होती.