Happy Birthday Nagma : काही वर्षांपूर्वी Bollywood अभिनेत्री नगमाने बागी या चित्रपटातून सलमान खानची नायिका म्हणून चित्रपट पडद्यावर पाऊल ठेवले तेव्हा ती अवघ्या 16 वर्षांची होती. परंतु या अभिनेत्रीनं आजतागायंत सलमान खान सारखंच लग्न केलेलं नाही.
अभिनेत्री नगमा यांचं खरे नाव नंदिता अरविंद मोरारजी आहे. त्यांचा जन्म 25 डिसेंबर 1974 रोजी मुंबईत जन्म झाला होता. नगमाचे वडील अरविंद प्रताप सिंह मोरारजी हे एक प्रसिद्ध उद्योगपती आहेत. तिला चित्रपटसृष्टीत नगमा हे नाव मिळाले होते. 1990 मध्ये सलमान खानसोबत बागी या पहिल्या चित्रपटात काम केलं होतं.
नगमाने बागी या चित्रपटातून सलमान खानची नायिका म्हणून चित्रपट पडद्यावर पाऊल ठेवलं होतं. तेव्हा ती अवघी 16 वर्षांची होती.
सलमान खानसोबतचा बागी हा चित्रपट 1990 मधील सर्वाधिक कमाई करणारा सातवा चित्रपट ठरला होता. या चित्रपटाच्या यशामुळे नगमाला चित्रपटांची ओढ लागली.
रातोरात स्टार बनल्यानंतर नगमाने 'सनम बेवफा', 'पोलिस और मुजरिम', 'किंग अंकल', 'सुहाग', 'एक रिश्ता', 'कुंवरा', 'तुम्हारे हवाले वतन साथी' यांसारख्या बॉलिवूड चित्रपटांमध्ये काम केलं.
हिंदीसोबतच नगमाने तिच्या मैत्रिणीच्या सांगण्यावरून दक्षिण चित्रपटांमध्ये काम करण्यास सुरुवात केली आणि तिथे बंपर यश मिळवलं. मीडिया रिपोर्ट्सनुसार तामिळनाडूमध्ये नगमाची लोकप्रियता इतकी होती की तिच्या चाहत्यांनी अभिनेत्रीच्या नावावर मंदिर बांधलं होतं.
भोजपुरी चित्रपटातही काम केले आणि त्यानंतर अभिनयातून निवृत्ती घेतली. नगमाने शेवटचे भोजपुरी चित्रपट 'जनम जनम' मध्ये काम केलं होतं. रवी किशनसोबत त्यांची जोडी चांगलीच जमली होती.
फिल्मी दुनियेत काम केल्यानंतर नगमा राजकीय क्षेत्रात पोहोचली आणि 2014 मध्ये काँग्रेसच्या तिकिटावर उत्तर प्रदेशातील मेरठ-हापूर लोकसभा मतदारसंघातून निवडणूक लढवली.
ग्लॅमरस नगमा प्रचारासाठी बाहेर पडली की तिला पाहण्यासाठी मोठी गर्दी व्हायची. सध्या ती काँग्रेस पक्षात पूर्णपणे सक्रिय आहेत.
नगमा या केवळ सुंदरच नाही तर फार प्रतिभावान ही आहेत. त्यांनी हिंदी, भोजपुरी, पंजाबी, तमिळ-तेलुगू अशा 10 भाषांच्या चित्रपटांत त्यांनी काम केलेलं आहे.