मुलाच्या कस्टडीसाठी श्वेता तिवारीच्या पतीची हायकोर्टात धाव; केले धक्कादायक खुलासे

टेलिव्हिजन विश्वातील प्रसिद्ध अभिनेत्री श्वेता तिवारी दीर्घकाळ पती अभिनव कोहलीपासून दूर राहत होती. अशा परिस्थितीत या दोघांचा मुलगा रेवांश श्वेता तिवारीसोबत राहत आहे. अभिनव कोहलीने श्वेता तिवारीविरूद्ध अनेक धक्कादायक खुलासे केले आहेत. टीव्ही अभिनेता आणि श्वेता तिवारीच्या पतीने मुलगा रेयांश याच्या कस्टडीसाठी उच्च न्यायालयात धाव घेतली आहे.

अभिनव कोहलीने डिसेंबर 2020 मध्ये मुंबई उच्च न्यायालयात याचिका दाखल केली. या याचिकेत अभिनवने श्वेतावर आपला मुलगा रेयांशला भेटू न देण्याचा आरोप केला आहे. ( Photo Credit- @abhinav.kohli024/Instagram )

अभिनवची वकील तृप्ती शेट्टी यांच्याशी दैनिक भास्करने या प्रकरणी बातचीत केली असता त्यांनी सांगितलं की, अभिनवला त्याच्या 4 वर्षाच्या मुलाला रेयांशला भेटू दिलं जात नाही. ( Photo Credit- @abhinav.kohli024/shweta.tiwari/Instagram)

तृप्ती शेट्टी यांनी दिलेल्या माहितीनुसार, गेल्या वर्षी जेव्हा श्वेता कोरोना पॉझिटिव्ह आली, तेव्हा अभिनवने रेयांशची पूर्ण काळजी घेतली. मात्र श्वेता बरी होताच ती आपल्या मुलासह निघून गेली. तेव्हापासून ती रेयांशला अभिनवला भेटू देत नाही. (Photo credit- @shweta.tiwari/Instagram)

वकीलांच्या म्हणण्यानुसार,अभिनवला त्याचा मुलगा कुठे आहे हेदेखील माहित नसतं. त्याने श्वेताशी संपर्क करण्याचा खूप प्रयत्न केला, पण श्वेताने त्याच्या प्रत्येक प्रयत्नाकडे दुर्लक्ष केलं. अभिनवने पोलिसांची मदत घेण्याचा प्रयत्नही केला, पण तो अपयशी ठरला. अखेर अभिनवने आपल्या हक्कांसाठी उच्च न्यायालयात जाण्याचा निर्णय घेतला. ( Photo Credit- @abhinav.kohli024/Instagram)

तृप्ती पुढे म्हणाल्या की, डिसेंबर 2020 मध्ये हायकोर्टाने नोटीस बजावली होती आणि 5 जानेवारीला आमचं प्रकरण कोर्टात लिस्ट झालं. श्वेता त्यादिवशी तिथे हजर राहिली होती आणि तिने तिचा वकील नेमण्यासाठी वेळ मागितला होता. आम्ही श्वेताशी सहमती दर्शविली आणि व्हिडीओ कॉन्फरन्सिंगद्वारे तरी रेयांशला अभिनवला भेटू देण्यास विनंती केली. (Photo credit- @shweta.tiwari/Instagram)

कोर्टाने श्वेताला आमची ही अट मान्य करण्यास सांगितलं आहे. कोर्टाच्या आदेशानुसार, दररोज संध्याकाळी 6.00 ते 6.30 दरम्यान अभिनव रेयांशशी बोलू शकतात. (Photo credit- @shweta.tiwari/Instagram)

याबाबत बोलताना अभिनवने सांगितलं की, 12 नोव्हेंबर 2020 पासून मी माझ्या मुलाला भेटू शकलो नाही. सतत प्रयत्न करत आहे, पण श्वेता हे होऊ देत नाही. अखेर मला कोर्टात धाव घ्यावी लागली आहे.

2010 पासून श्वेता अभिनेता अभिनव कोहलीला डेट करत होती. 2013 साली 'झलक दिखला जा' डान्स रिअ‍ॅलिटी शोच्या स्टेजवरुन तिने जुलैमध्ये ती अभिनवशी लग्न करणार असल्याचं जाहीर केलं. परंतु हे नात फार काळ टिकू शकलं नाही आणि लग्नाच्या काही वर्षातच हे जोडपं विभक्त झालं.