कोळी हा अतिशय सामान्य, अनेक ठिकाणी आढळणारा किटक आहे. परंतु असे अनेक कोळी आहेत, जे अतिशय धोकादायक असून त्यांची मोठ्या प्रमाणात तस्करीही केली जाते. फिलिपिन्समध्ये एक असचं प्रकरण समोर आलं आहे. विमानतळावर अधिकाऱ्यांनी एका बूटांच्या जोडीतून तब्बल 119 जिवंत, प्राणघातक कोळी जप्त केले आहेत. हे जप्त केलेले कोळी टैरेंटुला (Tarantula) कोळी आहे.
टॅरेंटुला (Tarantula) कोळी अतिशय विषारी असतो. फिलिपिन्स निनॉय एक्विनो इंटरनॅशनल एयरपोर्टवर कस्टम अधिकाऱ्यांनी एका बूटांच्या बॉक्समधून हे जिवंत कोळी जप्त केले. (Pic- Bureau of Customs PH)
या 119 जिवंत कोळ्यांना, एका बूटामध्ये प्लास्टिकच्या लहान-लहान डब्ब्यांमध्ये ठेवण्यात आलं होतं. या बूटाच्या पार्सलच्या खराब पॅकिंगकडे लक्ष गेल्यावर अधिकाऱ्यांना संशय आला. त्यानंतर चौकशीवेळी बूटाच्या आत आढळलेले कोळी पाहून अधिकारी हैराण झाले. (Pic- Bureau of Customs PH)
अधिकाऱ्यांनी हे सर्व टॅरेंटुला कोळी, डिपार्टमेंट ऑफ एनवायरमेंट अँड नॅच्युरल रिसोर्सेज वाईल्ड लाईफ मॉनिटरिंग यूनिटला 29 ऑक्टोबर रोजी सोपवले आहेत. हे कोळी 28 ऑक्टोबरला जप्त केले होते. (Pic- Bureau of Customs PH)
फिलिपिन्सच्या ब्युरो ऑफ कस्टम्सने हे टॅरेंटुला जप्त केले असून याचे फोटो आपल्या फेसबुक अकाउंटवर शेअर केले आहेत. (Pic- Bureau of Customs PH)