कराटे हा आता एक प्रसिद्ध क्रीडा प्रकार म्हणून समोर येतोय. अगदी गाव पातळीपासून ते आंतरराष्ट्रीय पातळीपर्यंत हा खेळ विविध स्तरांवर खेळला जातो. पुण्यातील पिंपरी-चिंचवड इथं राहणाऱ्या समर्थ हेगडे या चिमुकल्यानं वयाच्या सहाव्या वर्षी कराटेचं प्रशिक्षण घेऊन 2 वर्षात 20 हून अधिक राष्ट्रीय स्तरीय चॅम्पियनशिपमध्ये भाग घेत सुवर्णपदक पटकावले. नुकत्याच झालेल्या बुडोकॉन कप-दुबई आंतरराष्ट्रीय कराटे चॅम्पियनशिपमध्ये देशासाठी 2 सुवर्णपदक जिंकण्याची उत्कृष्ट कामगिरी त्याने केली.
