विदर्भाची प्रति पंढरी अशी ओळख असलेल्या वर्धा जिल्ह्यातील घोराड येथे मोठ्या उत्साहात धार्मिक परंपरेने बैलपोळा साजरा होतो. एक गाव एक पोळा अशी या गावची विशेष ओळख आहे. येथे बैलांचा व नंदीपोळा एकच भरत असतो. बैलांचा पोळा संत नामदेव महाराज समाधी मैदानावर तर नंदी पोळा हा विठ्ठल रुक्माई मंदिरासमोर भरतो. अंदाजे 250 वर्षांपूर्वी संत केजाजी महाराज यांनी सुरू केलेली ही परंपरा आजही कायम आहे.
