मराठा समाजाच्या आरक्षणासाठी फेब्रुवारी महिन्यात विशेष अधिवेशन बोलवणार असल्याची महत्त्वाची घोषणा मुख्यमंत्री एकनाथ शिंदे यांनी आज विधानसभेत केली. क्युरेटिव्ह याचिका हा एक आशेचा किरण आहे. ज्या त्रुटी आहेत त्या दूर करण्याचा आम्ही आमच्याकडून पूर्ण प्रयत्न करतो आहोत असंही मुख्यमंत्री एकनाथ शिंदे यांनी म्हटलं आहे. आम्ही सरकार म्हणून मराठा समाजाला कायद्याच्या चौकटीत आरक्षण देणार आहोत. मागासवर्ग आयोगाचा अहवाल एका महिन्यात येईल. त्यानंतर फेब्रुवारी महिन्यात विशेष अधिवेशन बोलवणार असून आरक्षण देणार असल्याचं म्हटलं आहे.
