दिवाळीनंतर येणाऱ्या त्रिपुरारी पौर्णिमेला विविध मंदिरात धार्मिक कार्यक्रम आणि महापूजेचे आयोजन करण्यात येते. पुण्यातील प्रसिद्ध श्रीमंत दगडूशेठ गणपती मंदिरात मिठाई, फराळाच्या तिखट-गोड अशा वेगवेगळ्या पदार्थांचा तसेच विविध प्रकारच्या फळांचा व भाज्यांचा महानैवेद्य दाखविण्यात आला. गणपतीला तब्बल 451 प्रकारचे मिष्टान्न अर्पण करण्यात आले होते. लाडक्या बाप्पासमोर मांडलेल्या वेगवेगळ्या पदार्थांचा भव्य अन्नकोट पाहण्याकरिता पुणेकरांनी सकाळपासूनच मोठ्या संख्येने मंदिरात गर्दी केली.
