पावसाळ्यात ही ठिकाणं स्वर्गापेक्षा कमी नाही, महाराष्ट्रातील एकाचा आहे समावेश

मुंबई, 29 मे : पावसाळ्यात (Monsoon trip) फिरायला प्रत्येकालच आवडतं. सगळीकडे हिरवीगार झाडी आणि आल्हाददायक वातावरण कोणालाही आकर्षित केल्याशिवाय राहत नाही. जर तुमचाही पावसाळा फेवरेट असेल. तर तुम्ही देशातील या पर्यटन स्थळांना भेट द्यायलाच हवी. या ठिकाणी सर्वाधिक पाऊस पडतो आणि अनेक ठिकाणी वर्षातील 8 ते 10 महिने सतत पाऊस पडतो. त्यामुळे सुट्टीचं नियोजन करा आणि पावसाचा पुरेपूर आनंद घेण्यासाठी बाहेर पडा. मासिनराम, मेघालय जरी तुम्ही तुमच्या भूगोलाच्या पुस्तकात चेरापुंजी हे जगातील सर्वात पावसाळी ठिकाण म्हणून वाचले असले तरी आता हे ठिकाण बदलले आहे. होय, आता मेघालयातील चेरापुंजीऐवजी मसिनराम येथे जगातील सर्वाधिक पाऊस पडतो. छत्रीशिवाय तुम्ही मासिनराममध्ये बाहेरही जाऊ शकत नाही. वर्षातील सुमारे 8 ते 10 महिने येथे पाऊस पडतो. इथे राहणार्‍या लोकांसाठी पाऊस ही समस्या असेल, पण ज्या पर्यटकांना पाऊस आवडतो, त्यांच्यासाठी हे ठिकाण स्वर्गापेक्षा कमी नाही. अगुंबे, कर्नाटक अगुंबे हे कर्नाटकातील असेच एक शहर आहे, जेथे चांगला पाऊस पडतो. या सुंदर शहरातील तापमान वर्षभर 23.5 अंश सेल्सिअस राहते. पावसाचा आनंद घ्यायचा असेल तर नोव्हेंबर ते जानेवारी दरम्यान कर्नाटकला जा. यावेळी येथे सर्वाधिक पाऊस पडतो, त्यामुळे तुम्ही येथे पावसाचा आनंद लुटू शकता. कोडाईकनाल, तामिळनाडू या हिल स्टेशनमध्ये तुम्ही तुमच्या जोडीदारासोबत पाऊस आणि सुंदर दृश्यांचा आनंद घेऊ शकता. कर्स वॉक, बेअर शोला फॉल्स, ब्रायंट पार्क, कोडाईकनाल लेक, ग्रीन व्हॅली व्ह्यू, पिलर्स रॉक आणि गुना लेणी अशी अनेक पर्यटन ठिकाणे आहेत जी पावसात फिरण्यासाठी सर्वोत्तम ठिकाणे आहेत. येथे भेट देण्यासाठी किमान 3 दिवस घ्या. महाबळेश्वर, महाराष्ट्र मुंबईजवळ असलेल्या महाबळेश्वरमध्येही मुसळधार पाऊस पडतो. येथे वर्षभरात सुमारे 5 हजार 618 मिमी पाऊस पडतो. उन्हाळ्यातही पावसाचा आनंद घ्यायचा असेल तर महाबळेश्वरला जाता येईल. पश्चिम घाटात वसलेले हे हिल स्टेशन हिरवाई, पर्वत, नैसर्गिक सौंदर्य आणि स्ट्रॉबेरी लागवडीसाठी प्रसिद्ध आहे. येथील टेकड्यांवरून कोसळणारे धबधबे आणि हिरव्यागार दऱ्या तुम्हाला भुरळ घालतील. रस्त्याने मुंबईहून महाबळेश्वरला जाण्यासाठी 9 ते 10 तास लागतात. शिलाँग, मेघालय मेघालयची राजधानी शिलाँग हे कितीही सुंदर ठिकाण असलं तरी पावसाळ्यात तिचं सौंदर्य द्विगुणित होतं. या मोसमात शिलाँगच्या सुंदर धबधब्यातून पाण्याचा प्रवाह तीव्र होतो. याशिवाय टेकड्यांवर पसरलेली हिरवाई तुम्हाला भुरळ पाडेल. या मोसमात येथील दृश्य पाहण्यासारखे आहे.

• First Published : May 29, 2022, 4:27 pm IST