मुंबई, 11 फेब्रुवारी : ओटीटी (OTT) प्लॅटफॉर्म वापरणाऱ्यांची संख्या दिवसेंदिवस वाढत आहे. यात Netflix एक लोकप्रिय OTT प्लॅटफॉर्म आहे, जे जगभरातील लोक मोठ्या संख्येने वापरतात. या OTT प्लॅटफॉर्मवर अनेक शो आणि चित्रपट उपलब्ध आहेत. विशेष म्हणजे त्यावर रिजन स्पेसिफिक कंटेन्ट देखील उपलब्ध आहे. म्हणजेच ज्या प्रदेशासाठी तो चित्रपट किंवा शो तयार करण्यात आला आहे, तेथूनच लोक तो पाहू शकतात. प्रदेश बदलल्यामुळे नेटफ्लिक्सची स्ट्रीमिंग लायब्ररीही बदलत राहते. म्हणजे, तुम्हाला भारतात इतर शो आणि चित्रपट दिसतील तर अमेरिकेत तुमची दुसरी लायब्ररी असेल. बर्‍याच लोकांना या प्रदेशातील विशिष्ट शो आणि चित्रपट त्यांच्या घरून पहायचे असतात. तुम्ही हे देखील अगदी सहज करू शकता. चला जाणून घेऊया त्याची सोपी पद्धत. काय करावे लागेल? यासाठी तुम्हाला कोणत्याही रॉकेट सायन्सची गरज नाही. उलट तुम्ही हे सहज करू शकता. हे करण्याचा सर्वात सोपा आणि जलद मार्ग म्हणजे तुमचे Netflix स्थान बदलणे. यासाठी तुम्ही VPN चेंज वापरू शकता. वास्तविक, VPN वापरून तुमचे स्थान बदलणे नेटफ्लिक्सच्या अटी आणि नियमांच्या विरुद्ध आहे. यामुळे तुमचे खाते देखील बॅन होऊ शकते. सावधान! WhatsApp तुम्हाला आजारी पाडतोय; या समस्यांना बळी पडतायेत लोक VPN बदलण्यासाठी तुम्हाला उच्च दर्जाची VPN सेवा आवश्यक असेल. याच्या मदतीने तुमचे लोकेशन बदलल्यानंतर तुम्ही इतर प्रदेशांचे शो आणि चित्रपट सहज पाहू शकता. शो आणि चित्रपटाचे तपशील कसे मिळवायचे? तुम्हाला जो शो पाहायचा आहे तो कोणत्या प्रदेशाचा आहे हे तुम्ही सहज शोधू शकता. यासाठी तुम्ही फ्लिक्सवॉचची मदत घेऊ शकता. शो आणि त्याचा प्रदेश जाणून घेतल्यानंतर, तुम्हाला VPN शी कनेक्ट करावे लागेल आणि तुमच्या आवडीचा सर्व्हर निवडावा लागेल. सर्व्हरशी कनेक्ट केल्यानंतर तुम्हाला नेटफ्लिक्सवर जावे लागेल. जिथे तुम्हाला नवीन प्रदेशाचे शो आणि चित्रपट दिसतील. काही कारणास्तव तुम्हाला इतर प्रदेशातील शो दिसत नसल्यास, ही प्रक्रिया पुन्हा एकदा करा.