विराट कोहलीच्या (Virat Kohli) नेतृत्वात आयपीएलमध्ये (IPL) खेळणारा युझवेंद्र चहल (Yuzvendra Chahal) आरसीबीच्या यशस्वी बॉलरपैकी एक आहे.
विराट कोहलीच्या (Virat Kohli) नेतृत्वात आयपीएलमध्ये (IPL) खेळणारा युझवेंद्र चहल (Yuzvendra Chahal) आरसीबीच्या यशस्वी बॉलरपैकी एक आहे. पण चहलने मात्र आपल्याला धोनीच्या (MS Dhoni) चेन्नई सुपरकिंग्सकडून (CSK) खेळण्याची इच्छा व्यक्त केली आहे.
क्रिकट्रॅकरने दिलेल्या वृत्तानुसार जर आरसीबी नाही तर चेन्नईकडून आपल्याला खेळायला आवडेल, असं चहल म्हणाला. 2014 पासून तो बँगलोरकडून खेळतोय.
आयपीएलच्या या मोसमात युझवेंद्र चहलने 7 मॅचमध्ये 8.26 च्या इकोनॉमी रेटने 4 विकेट घेतल्या. पण कोरोना व्हायरसमुळे आयपीएल 29 सामन्यांनंतर स्थगित करण्यात आली.
आयपीएलचे उरलेले 31 सामने आता सप्टेंबर-ऑक्टोबर महिन्यात युएईमध्ये होतील, त्यामुळे चहलकडे कामगिरी सुधारण्यासाठी चांगला वेळ मिळेल. तसंच यावर्षी होणाऱ्या टी-20 वर्ल्ड कप (T20 World Cup) मुळेही चहलची कामगिरी टीम इंडियासाठी महत्त्वाची ठरणार आहे.