भारताची टेनिसस्टार सानिया मिर्झा सध्या टी-20 वर्ल्ड कपच्या निमित्ताने पाकिस्तानी टीमसोबत आहे. मुलगा इजहान मिर्जा मलिक याचा वाढदिवस सानिया आणि तिचा पती शोएब मलिकने पाकिस्तानी टीमसोबत साजरा केला. पाकिस्तानी संघाचा टी-20 मधील आतापर्यंतचा प्रवास जोरदार राहिला आहे. त्यामुळे टीममध्ये उत्साहाचं वातावरण आहे.
भारतीय टेनिस स्टार सानिया मिर्झा आणि पाकिस्तानचा स्टार क्रिकेटपटू शोएब मलिक यांच्या मुलचा वाढदिवस पाकिस्तानी टीमने उत्साहात साजरा केला. सानियानं तिच्या इन्स्टाग्राम अकाऊंटवरून याचे फोटो शेअर केले आहेत. इजहानच्या तिसऱ्या वाढदिवसानिमित्त अभिनेत्री अनुष्का शर्मानं शुभेच्छा दिल्या आहेत.
सानिया मिर्झानं पती शोएब मलिकसोबत मुलाच्या वाढदिवसाचे काही फोटो शेअर केले आहेत. या फोटोंसोबत सानियानं आपल्या मुलासाठी एक भावनिक मेसेजदेखील लिहिला आहे. या फोटोजवर नेटिझन्सच्या अनेक प्रतिक्रिया येत आहेत.
सानिया लिहिते, माझ्या पूर्ण विश्वाला वाढदिवसाच्या शुभेच्छा. आजपासून बरोबर 3 वर्षांपूर्वी मी तुझ्या आईच्या रुपात पुनर्जन्म घेतला आणि तुझ्यासमोर माझं आयुष्य काहीच नाही, असं मला वाटतं.
इजहानच्या बर्थडे पार्टीत अऩेक पाकिस्तानी क्रिकेटपटू सहभागी झाले. पार्टीत लहान मुलांसोबत पाकिस्तानी खेळाडूंनी धमाल केली.
पाकिस्तानी टीमच्या क्रिकेटपटूंच्या पत्नींनीही या पार्टीत सहभाग घेतला आणि त्याचे फोटो सोशल मीडियावर शेअर केले.
Sania Mirza, Anushka Sharma, Shoaib Malik, Izhaan Mirza सानिया मिर्झाच्या मुलाच्या वाढदिवसाची थिम डायनोसॉरची होती. केक आणि पार्टीतील डेकोरेशनदेखील याच थिमवर आधारित होतं. Malik, Pakistan Cricket Team, Babar Azam, Cricket News, T20 World Cup, T20 World Cup 2021,
पाकिस्तानी क्रिकेट टीमचा कप्तान बाबर आझमनं या पार्टीतील क्रिकेटपटूंसोबतचा एक फोटो शेअर केला आहे माझ्या दुसऱ्या कुटुंबासोबत एक दिवस सुट्टीचा, असं लिहून पोस्ट केलेल्या या फोटोला चाहत्यांची चांगलीच पसंती मिळत आहे.