85.05 कोटींना विकत घेतलेल्या संघाची ब्रॅंड व्हॅल्यू केली 483 कोटी, या कंपनीने केली कमाल.
यंदा आयपीएलचा तेरावा हंगाम दुबई, अबुधाबी आणि शारजाहला होणार आहे. 19 सप्टेंबरला पहिला सामना होणार असून 10 नोव्हेंबर रोजी अंतिम सामना खेळला जाणार आहे. या स्पर्धेत एकूण 10 डबल हेडर्स सामने असणार आहे.
आयपीएल 2013मध्ये सनरायजर्स हैदराबाद (Sunrisers Hyderabad) संघाचे समावेश झाला. या संघाने पहिल्याच हंगामात सर्वांना आश्चर्यचकित केले होते. तीन वर्षानंतर डेव्हिड वॉर्नरच्या नेतृत्वाखाली 2016मध्ये हैदराबाद संघाने आयपीएलचे विजेतेपद मिळवले.
2012 मध्ये डेक्कन चाजर्स मालकीची कंपनी डेक्कन क्रॉनिकल बँक डबघाईला गेली. आणि या संघाचा पुन्हा एकदा लिलाव झाला. त्यावेळी हा संघ सन टीव्ही नेटवर्कने 85.05 कोटींना पाच वर्षांच्या करारावर विकत घेतला.
उद्योगपती कानिथी मारन यांची सनटीव्ही नेटवर्क लिमिटेड (Sun TV) कंपनी भारतातील सर्वात मोठे टेलिव्हिजन नेटवर्क आहे. नेटवर्कमध्ये 32 टीव्ही चॅनेल आणि 45 एफएम रेडिओ चॅनेल आहेत, ज्यामुळे ती सर्वात मोठी करमणूक कंपनी देखील बनते. कंपनीचे मुख्यालय चेन्नई येथे आहे.
कलनिथी मारन केवळ सन ग्रुपचे मालक नाहीत तर स्पाइस जेटमध्येही त्यांचा मोठा वाटा होता. सन 2019 मध्ये जेव्हा आयपीएलची ब्रँड व्हॅल्यू 47000 पर्यंत वाढली तेव्हा सनरायझर्स हैदराबादचे ब्रँड व्हॅल्यू 483 कोटी होती.
2016 मध्ये जेतेपद जिंकल्यापासून सनरायझर्स हैदराबाद संघ चांगली कामगिरी करत आहे. तेव्हापासून टीमने प्लेऑफमध्ये स्थान मिळवत आहे. संघाची गोलंदाजीची सर्वात उत्तम मानली जाते.
संघाचा कर्णधार डेव्हिड वॉर्नरने तीन वेळा ऑरेंज कॅप जिंकला आहे. या हंगामात तीन वर्षानंतर पुन्हा एकदा वॉर्नरच्या नेतृत्वाखाली हैदराबाद संघ खेळणार आहे.