टी-20 वर्ल्ड कप फायनलमध्ये (T20 World Cup Final) ऑस्ट्रेलियाने न्यूझीलंडचा (Australia vs New Zealand) पराभव केला. यानंतर हरभजन सिंगने (Harbhajan Singh) एरॉन फिंच, एमएस धोनी (MS Dhoni) आणि दुबईचं खास कनेक्शन सांगितलं.
टी-20 वर्ल्ड कप फायनलमध्ये (T20 World Cup Final) ऑस्ट्रेलियाने न्यूझीलंडचा (Australia vs New Zealand) पराभव केला. ऑस्ट्रेलियाने पहिल्यांदाच टी-20 वर्ल्ड कपवर आपलं नाव कोरलं. याआधी कांगारूंनी पाचवेळा वनडे वर्ल्ड कप जिंकला आहे. दुबईमध्ये झालेल्या या सामन्यात ऑस्ट्रेलियाने न्यूझीलंडचा 8 विकेटने पराभव केला. ऑस्ट्रेलियाच्या या विजयानंतर भारताचा बॉलर हरभजन सिंगने (Harbhajan Singh) ऑस्ट्रेलिया, चेन्नई सुपर किंग्स आणि दुबईमध्ये शानदार कनेक्शन सांगितलं.
टी-20 वर्ल्ड कपच्या महिनाभर आधी दुबईच्या याच मैदानात आयपीएल 2021 (IPL 2021 Final) ची फायनल झाली होती. या सामन्यात एमएस धोनीच्या चेन्नई सुपर किंग्सने कोलकाता नाईट रायडर्सचा (CSK vs KKR) 27 रनने पराभव केला होता.
2021 मध्ये पिवळा हा मोसमाचा रंग आहे. एकाच ठिकाणी पिवळ्या रंगाच्या जर्सी घालून दोन टीमचा विजय झाला, असं ट्वीट हरभजनने केलं. याचसोबत हरभजनने ऑस्ट्रेलिया आणि चेन्नईच्या टीमचा फोटोही पोस्ट केला.
हरभजन सिंगला मात्र या ट्वीटमुळे ट्रोल करण्यात आलं. वर्ल्ड कप आणि आयपीएलची तुलना नको, वर्ल्ड कप खूप मोठा आहे, असं एकाने हरभजनला सांगितलं.
तू अजून आयपीएलमध्येच जगत आहेत, ऑस्ट्रेलियाने वर्ल्ड कप जिंकलाय, असं म्हणत आणखी एका यूजरने हरभजनवर निशाणा साधला.