Home buying Tips: घर खरेदी करण्यापूर्वी ‘या’ 4 गोष्टी तपासा, नाहीतर येईल पश्चातापाची वेळ
मुंबई, 12 ऑक्टोबर: रिअल इस्टेटमध्ये गुंतवणूक करणं नेहमीच चांगलं मानलं जातं. अशा मालमत्ता तुमच्या गुंतवणुकीतून जास्त परतावा देतात. हा सुरक्षित गुंतवणुकीचा पर्याय मानला जातो. म्हणूनच जेव्हा जेव्हा लोकांकडे अतिरिक्त पैसा असतो तेव्हा ते प्रथम मालमत्तेत गुंतवणूक करण्याचा विचार करतात. तथापि घर खरेदी करण्यापूर्वी काही गोष्टी लक्षात ठेवायला हव्यात. त्यामुळं भविष्यात तुमच्या निर्णयाचा पश्चाताप होण्यापासून तुम्ही वाचू शकता. आज आम्ही तुम्हाला 4 गोष्टी सांगणार आहोत, ज्या तुम्ही घर खरेदी करण्यापूर्वी तपासून घ्याव्यात आणि जर सर्व काही बरोबर असेल तर न घाबरता गुंतवणूक करा. ठिकाण- तुम्ही लक्झरी किंवा कोणत्याही प्रकारच्या मालमत्तेत गुंतवणूक करत असाल तर ती कुठे आहे हा सर्वात महत्त्वाचा घटक आहे. त्याच्या आजूबाजूचं वातावरण कसं आहे? घर खरेदी करणं हा एक महागडा सौदा आहे आणि एखाद्याला मागासलेल्या किंवा कमी विकसित भागात इतकी मोठी रक्कम गुंतवायची नसते. त्यामुळे जेव्हाही तुम्ही घर खरेदी कराल तेव्हा ती एखाद्या चांगल्या ठिकाणी असेल याचा प्रयत्न करा. लक्झरी प्रॉपर्टी खरेदीदारांनी केवळ प्राइम लोकेशनमध्ये गुंतवणूक करावी. कनेक्टिव्हिटी- मालमत्तेचं मूल्य आणि गुंतवणुकीवर परतावा (ROI) देखील त्याच्या कनेक्टिव्हिटीवर अवलंबून असतो. कनेक्टिव्हिटीमुळे घराच्या किमतीतही चढ-उतार होत असतात. येथे कनेक्टिव्हिटीद्वारे याचा अर्थ घर हे विमानतळ, रेल्वे स्टेशन किंवा परिसरातील मेट्रोशी कसं जोडलेलं आहे. तेथे जाण्यासाठी एक सोपा मार्ग आहे का? हेही वाचा: दिवाळीआधी केंद्र सरकारचे 3 मोठे निर्णय, तुमच्यावर होणार थेट परिणाम गुंतवणूक का केली जात आहे? चांगली विशेषत: लक्झरी मालमत्ता खरेदी करण्यासाठी भरपूर पैसे खर्च करावे लागतात. त्यामुळं तुमचे गुंतवणुकीचे उद्दिष्ट निश्चित असलं पाहिजे. जर तुम्ही तुमच्या राहण्यासाठी घर खरेदी करत असाल, तर सामाजिक वातावरण आणि सुविधा चांगल्या असाव्यात कारण तुम्हाला त्यांची रोज काळजी घ्यावी लागेल. तुम्ही भाड्यानं देण्यासाठी मालमत्ता विकत घेत असाल, तर त्याभोवती व्यवसाय केंद्रे आणि मजबूत कनेक्टिव्हिटी असावी.
मालमत्तेची किंमत- जे लोक लक्झरी प्रॉपर्टी खरेदी करतात त्यांच्याकडे पैशाची कमतरता नसते, परंतु तरीही तुम्ही हुशारीने खर्च करावा. अतिरिक्त पैसे असूनही खरेदीदार बँकेकडून स्वस्तात कर्ज घेऊन मालमत्ता खरेदी करण्याचा प्रयत्न करतो. उच्च निव्वळ उत्पन्न असलेल्या लोकांना बँका त्वरित कर्ज देखील देतात. पैसे असण्याचा अर्थ असा नाही की तुम्ही मालमत्तेच्या वास्तविक मूल्यापेक्षा कितीतरी पटीने जास्त पैसे द्याल. मालमत्तेची खरेदी करण्यापूर्वी नेहमी त्याची अचूक किंमत जाणून घेण्याचा प्रयत्न करा आणि त्याभोवती पैसे द्या. हे तुम्हाला भविष्यात चांगली पुनर्विक्रीची रक्कम देईल.