औषधापेक्षाही 'मास्क' देणार कोरोनापासून संरक्षण, अमेरिकन तज्ज्ञांचा दावा

कोरोना व्हायरसवर औषध शोधण्यासाठी सर्व जगभर प्रयत्न होत आहेत. मात्र त्यात अजुन यश आलेलं नाही.

जोपर्यंत औषध सापडत नाही तोपर्यंत काळजी घेण्याशीवाय पर्याय नसल्याचं मत तज्ज्ञांनी व्यक्त केलं आहे.

औषधपेक्षाही मास्क हाच कोरोनापासून संरक्षण करू शकतो असा दावा अमेरिकेच्या Centers for Disease Control and Preventionचे संचालक डॉ. रॉबर्ट रेडफिल्ड यांनी केला आहे.

मास्क हा परिणामकारक असला तरी अमेरिकन लोक मास्क घालण्याचे टाळत आहेत. कोरोनाची साथ रोखायची असेल तर मास्क घाला असं आवाहनही त्यांनी केलं.

मास्क, सोशल डिस्टन्सिंग आणि स्वच्छता ही कोरोनाला रोखण्याची त्रिसूत्री असल्याचंही त्यांनी सांगितलं.

मास्कचा वापर केला तर कोरोनाला रोखता येतं आणि कोरोनापासून संरक्षणही मिळते असा दावाही डॉ. रॉबर्ट रेडफिल्ड यांनी केला आहे.