सततच्या मेसेजने हैराण; आता WhatsApp Group कायमचाच Mute करता येणार

आपल्या मोबाइलमध्ये आपले एक ना दोन किती तरी WhatsApp Group असतात आणि दिवसभर त्यावर मेसेज येत असतात. गरजेच्या नसलेल्या ग्रुपवरील नोटिफिकेशन आपण काही कालावधीसाठी म्युट करून ठेवतो.

सध्या आठ दिवस, एक आठवडा आणि एक वर्ष ग्रुप म्युट करण्याचा पर्याय WhatsApp Group वर आहे. मात्र कधी कधी कायमचाच हा ग्रुप आपल्याला म्युट करता आला असता तर असा विचार अनेकांच्या मनात येतो.

लवकरच तुमचा विचार प्रत्यक्षात येणार आहे. WhatsApp Group always mute करता येणार आहे.

WABetaInfo च्या माहितीनुसार WhatsApp चं नवं बिटा फिचर लवकरच येणार आहे.  या नव्या फिचरचा स्क्रिनशॉट शेअर करण्यात आला आहे ज्यामध्ये म्युट ऑप्शनमध्ये always असाही पर्याय आहे.

आठ तास आणि एका आठवड्याचं ऑप्शन तसंच राहणार आहे. मात्र एक वर्षाऐवजी always चं ऑप्शन येणार आहे.

जोपर्यंत ग्रुप म्युटवर आहे तोपर्यंत आपल्याला त्या ग्रुपचे नोटिफिकेशन येणार नाहीत. जेव्हा आपण ग्रुप अनम्युट करतो तेव्हाच आपल्याला नोटिफिकेशन येतात. असंच या नव्या फिचरमध्येदेखील असेल.