दिशा पटानी होती या अभिनेत्याच्या प्रेमात; समलैंगिकतेच्या आरोपांमुळं मोडलं लग्न

आपल्या मादक अदांनी चाहत्यांना घायाळ करणारी दिशा पटानी बॉलिवूडमधील सध्याच्या सर्वाधिक चर्चेत असलेल्या अभिनेत्रींपैकी एक म्हणून ओळखली जाते.

चित्रपटांसोबतच दिशा आपल्या खासगी आयुष्यामुळं देखील चर्चेत असते. सध्या ती अभिनेता टायगर श्रॉफसोबत रिलेशनशिपमध्ये असल्याचं म्हटलं जातं आहे.

अनेक सेलिब्रिटी पार्ट्या व हॉलिडेजवर दोघांना एकत्र पाहिले गेलं आहे. शिवाय सोशल मीडियावर देखील दोघं एकमेकांसोबतचे फोटो शेअर करताना दिसतात.

परंतु टायगरच्या आधी दिशा पार्थ समथानसोबत लिव्हईन रिलेशनशिपमध्ये राहात होती. तो तिचा पहिला बॉयफ्रेंड होता. दोघं लग्न देखील करणार होते. परंतु अंतर्गत मतभेदांमुळं दोघांचं ब्रेकअप झालं.

पार्थ सावधान इंडिया या मालिकेतून नावारुपास आला होता. दिशानं बॉलिवूडमध्ये पदार्पण केल्यानंतरही दोघं रिलेशनशिपमध्ये होते. परंतु पार्थवर समलैंगिक असल्याचे आरोप झाले होते त्यामुळं दोघांचं ब्रेकअप झालं.

पार्थ ‘बिग बॉस’ फेम विकास गुप्तासोबत रिलेशनशिपमध्ये होता असं म्हटलं जातं. ही गोष्ट जेव्हा दिशाला समजली तेव्हा त्यांचं ब्रेकअप झालं.