मुंबई, 10 जुलै : टीम इंडियाचा ऑफ स्पिनर हरभजन सिंग (Harbhajan Singh) दुसऱ्यांदा बाबा बनला आहे. हरभजनची पत्नी गीता बसरा (Geeta Basra) हिनं मुलाला जन्म दिलाय. हरभजननं ट्विटरच्या माध्यमातून ही गोड बातमी सर्वांना शेअर केली आहे. आई आणि मुलगा दोघांचीही तब्येत उत्तम असल्याचं हरभजननं म्हंटलं आहे. हरभजननं जुलै महिन्यात आपल्या घरी नवा पाहुणा येणार असल्याचं यापूर्वीच जाहीर केलं होतं. टीम इंडियाचा क्रिकेटपटू शिखर धवनसह (Shikhar Dhawan) अनेकांनी हरभजनचं अभिनंदन केलं आहे.
हरभजन आणि गीता बसरानं बराच काळ एकमेकांना डेट केल्यानंतर 29 ऑक्टोबर 2015 रोजी लग्न केले होते. त्यांना 5 वर्षांची एक मुलगी असून तिचे नाव हिनाया आहे.