नियोजित वेळेत बांधकाम पूर्ण होईल यासाठी प्रत्येक टप्प्याचा आराखडा तयार करण्यात आला आहे.
अयोध्येत राम मंदिराचं भूमिपूजन बुधवार 5 ऑगस्टला होणार आहे. पंतप्रधान नरेंद्र मोदी यांच्या हस्ते हे भूमिपूजन होईल. मंदिराचं बांधकाम पूर्ण झाल्यानंतर ते कसं दिसेल याचे काही फोटो प्रसिद्ध झाले असून त्यातून मंदिराची भव्यता दिसून येते.
राम मंदिर भव्य दिव्य, देखणं आणि वास्तूशास्त्राचा अजोड नमुना ठरावं अशी योजना आखण्यात आली आहे. त्यानुसार तज्ज्ञांकडून त्याचं संकल्पचित्रही तयार करण्यात आलं आहे.
लाल आणि गुलाबी दगडांमध्ये त्याचं बांधकाम होणार असून अतिशय सुंदर कलाकुसर त्यावर राहणार आहे. त्यासाठी राजस्थानातल्या खास कारागिरांना बोलावण्यात आलं आहे.
मंदिर भव्य आणि देखणं असण्याबरोबरच ते वास्तुशास्त्रानुसार परिपूर्ण व्हावं यासाठी तज्ज्ञांनी अनेक दिवस अभ्यास करून त्याचा नकाशा तयार केला आहे.
मंदिरात नैसर्गिक खेळती हवा, उजेड राहिल याचीही काळजी घेण्यात आली असून नियोजित वेळेत बांधकाम पूर्ण होईल यासाठी प्रत्येक टप्प्याचा आराखडा तयार करण्यात आला आहे.