मुंबई, 19 जानेवारी : एखादे वाद्य वाजवायला शिकणे ही तुम्ही कधीही करणार असलेल्या सर्वात छान गोष्टींपैकी एक आहे. एखाद वाद्य शिकण्यासाठी वयेची मर्यादा नसते. अशीच आवड मुंबई तील दादरमध्ये राहणारे 65 वर्षीय उदय साळुंखे यांनी जोपासली आहे. उदय हे गेल्या 10 वर्षांपासून मेलोडिका हे वाद्य वाजवतात. त्यांच्या मेलोडिकाच्या मधुर आवाजाने संपूर्ण शिवाजी पार्क सुरमय होतो. छत्रपती शिवाजी महाराज पार्क इथे असलेल्या जिप्सी रेस्टॉरंट बाहेर उदय साळुंखे यांचा 40 वर्षांपासून कुल्फी विक्रीचा व्यवसाय आहे. लहानपण दादरमध्ये गेल्याने उदय यांना सांस्कृतिक आवड जोपासण्याची सवय आहे. उदय यांचे वडील सुद्धा अनेक वाद्य वाजवत त्याच बरोबर आई सुरेख गाण गात असे त्यामुळे लहान पणापासून संगीता बद्दल आवड त्यांना होती. तीच आवड जोपासत त्यांनी बालपणात बुलबुल हे वाद्य वाजवत. आता आवड म्हणून मेलोडिका हे वाद्य वाजवतात.
उदय साळुंखे सांगतात की, हे वाद्य सहसा कोणीही वाजवत नाही मोठमोठे कलाकार हे वाद्य वाजवतात. मात्र, मला हे वाद्य वाजवण्याची आवड असल्याकारणामुळे हे वाद्य मी विकत घेऊन आपली आवड जोपासली आहे. गेल्या 10 वर्षांपासून मी शिवाजी पार्क येथे हे वाद्य वाजवत असून अनेक रसिकांकडून माझं कौतुक केलं जातं. कसं वाजवलं जात मेलोडिका वाद्य? मेलोडिका हे वाद्य दिसायला पियानो सारखं असतं मात्र एका बाजूला पाईप असल्यामुळे तोंडाने पाईप द्वारे फुंकून मेलोडीका वाद्य वाजवलं जात. मेलोडी का वाद्य वाजवताना फुंकर वर खाली करून आपल्याला हवा तसा सूर काढता येतो.