मुंबई, 12 एप्रिल : आज म्हणजे बुधवारी सलग सातव्या दिवशी तेलाच्या दरात कोणताही बदल झालेला नाही. पेट्रोल आणि डिझेलच्या दरात वाढ (Petrol Diesel Price Hike) केल्यानंतर सरकारी तेल कंपन्यांनी आपली भाववाढ थांबवली आहे. जागतिक बाजारात कच्चे तेल स्वस्त असल्याने कंपन्यांनी दरवाढ थांबवली असल्याचे डीलर्सचे म्हणणे आहे. 22 मार्चपासून सुरू झालेली पेट्रोल आणि डिझेलची किंमत 14 वेळा वाढल्यानंतर थांबली आहे. पेट्रोल पंप डीलर्सचे म्हणणे आहे की जागतिक बाजारात कच्च्या तेलाच्या किमती स्थिर झाल्या आहेत, त्यामुळे कंपन्यांनीही त्यांच्या किमती वाढवणे थांबवले आहे. असं असलं तरी, गेल्या 14 दरवाढीमध्ये पेट्रोल आणि डिझेल आधीच 10 रुपयांनी महाग झाले आहे आणि कंपन्यांना सध्याच्या किमतीत पूर्ण मार्जिनही मिळत आहे. Home Loan घेण्याचा विचार करत आहात? कोणत्या बँका सर्वात स्वस्त कर्ज देत आहेत, पाहा मुंबईत पेट्रोल (Mumbai Petrol Price) 120.51 रुपये आहे. तर दिल्लीत पेट्रोल 105.41 रुपये आहे. यापूर्वी जागतिक बाजारात कच्च्या तेलाच्या किमती प्रति बॅरल 100 डॉलरच्या वर गेल्यानंतर तेल कंपन्यांनी आपला तोटा भरुन काढण्यासाठी किमती वाढवल्या होत्या. 16 दिवसांत 14 वेळा किमती वाढवल्या (Petrol Diesel Price Hike) आहेत. Post Office मध्ये रोखीने व्याज देण्याची सुविधा बंद, व्याजाचे पैसे मिळवण्यासाठी काय करावं लागेल? चार महानगरात पेट्रोल-डिझेलचे दर » मुंबईत पेट्रोल 120.51 रुपये आणि डिझेल 104.77 रुपये प्रति लीटर » दिल्लीत पेट्रोल 105.41 रुपये आणि डिझेल 96.67 रुपये प्रति लीटर » चेन्नईमध्ये पेट्रोल 110.85 रुपये आणि डिझेल 100.94 रुपये प्रति लीटर » कोलकातामध्ये पेट्रोल 115.12 रुपये आणि डिझेल 99.83 रुपये प्रति लीटर असा तपासा तुमच्या शहरातील आजचा लेटेस्ट दर पेट्रोल-डिझेल दर तुम्ही SMS द्वारेही (How to check Diesel Petrol Price Daily) जाणून घेऊ शकता. तुम्ही 92249 92249 वर SMS पाठवून आपण पेट्रोल आणि डिझेलच्या किंमतीबद्दल देखील जाणून घेऊ शकता. इंडियन ऑइलच्या वेबसाइटनुसार आपल्याला RSP<स्पेस> शहराचा कोड लिहावा लागेल आणि तो 92249 92249 वर पाठवावा लागेल. प्रत्येक शहराचा एक वेगळा कोड असतो. IOCL च्या वेबसाइटवर तुम्हाला हा कोड मिळेल. देशातील तीन ऑईल मार्केटिंग कंपन्या HPCL, BPCL आणि IOCL रोज सकाळी 6 वाजता पेट्रोल-डिझेलचे नवे दर जाहीर करतात. पेट्रोल-डिझेल दरात एक्साइज ड्यूटी, डिलर कमीशन आणि इतर गोष्टी जोडल्यानंतर याचा किंमत दुप्पट होते.