बर्‍याच महिलांना प्रेग्न्सीत सकाळी उलट्या होतात, घाबरल्यासारखं वाटतं, चक्कर येते, त्याला मॉर्निंग सिकनेस (Morning Sickness) म्हणतात.
गर्भवती महिलेच्या शरीरात अनेक बदल होतात. एस्ट्रोन आणि प्रोजेस्टेरॉनमध्ये वाढ झाल्याने खूप उलट्या होतात. बर्‍याच महिलांना सकाळी उलट्या होतात आणि घाबरल्यासारखं वाटतं. त्याला मॉर्निंग सिकनेस म्हणतात. शरीरात होत असलेल्या बदलांचा केवळ शारीरिक परिणाम होत नाही तर त्याचा मानसिक परिणामही होतो. यापैकी आणखी एक त्रास म्हणजे चक्कर येणं.
गर्भधारणेच्या काळात होणारी ही एक साधी समस्या आहे मात्र ती खूप त्रासदायकही ठरू शकते. काळजी घेतली गेली तर मोठा अपघात होऊ शकतो आणि गर्भाचंही नुकसान होऊ शकतं.
पहिल्या 3 महिन्यांनंतर बाळ आकाराने वाढू लागतं आणि गर्भाशयाच्या आणि आजूबाजूच्या नसावर दबाव वाढू लागतो. यामुळे बर्‍याच वेळा चक्कर येण्याची तक्रार महिला करतात.
याशिवाय काही वेळा प्रेग्नन्सीतील डायबिटीज, अॅनिमिया आणि शरीरात पाण्याचा अभाव यामुळेही चक्कर येण्याचा त्रास होतो.
चक्कर येत असताना आधी खिडक्या आणि दरवाजे उघडा म्हणजे ताजी हवा येत राहिल. हळूहळू खाली बसून डोकं गुडघ्यांमध्ये ठेवा.
जास्त वेळ उभं राहू नका किंवा बसू नका. थोड्या वेळाने एका जागेवरून उठून चाला म्हणजे शरीरात रक्ताभिसरण व्यवस्थित होईल आणि चक्कर येणार नाही. एकदम उठू नका यामुळे डोकं गरगरतं.
एनर्जी वाढवण्यासाठी लाईट स्नॅक किंवा फळं खा. थोड्या थोड्या वेळाने केळी किंवा हलकं स्नॅक्स खा. यामुळे रक्तातील साखरेची पातळी योग्य राहिल.
कायम सैल कपडे घाला म्हणजे शरीरात रक्तप्रवाह व्यवस्थित राहिल. भरपूर पाणी प्या, ज्यूस,नारळपाणी,लिंबूपाणी घेऊ शकता.