पती-पत्नीच्या नात्यात भावनिक गुंतवणूक टिकून राहण्यासाठी सेक्शुअल रिलेशनलाही महत्व आहे. स्त्री आणि पुरूष दोघांचीही ही गरज असते.
पुरुषांपेक्षा महिलांना शारीरिक संबंध बनवण्याची इच्छा कमी होत जाते. हाइपोएक्टिव्ह सेक्शुअल डिझायर रिसोर्सर्डर (HSDD) हे महिलांमध्ये सेक्सची इच्छा कमी होण्याचं एक महत्वाच कारण आहे. त्यामुळे महिलांची सेक्स करण्याची इच्छा कमी होत जाते. लैंगिक संबंधापासून दूर जाण्यामागे मानसिक कारणं असू शकतात आणि काही टिप्सच्या मदतीने ही समस्या दूर केली जाऊ शकते.
स्त्रियांमध्ये लैंगिक इच्छा नसणं,कामेच्छा कमी होणं,सेक्ससाठी पुढाकार न घेणं अशी लक्षणं दिसत असतील तर, त्यावरून चिडचिड करु नका समजूतदारपणा दाखवा.
शरीरात हार्मोनल बदल, वयानुसार सेक्शुअर हार्मोनमध्ये घट, गर्भधारणा आणि स्तनपान,रजोनिवृत्ती,तणाव,जोडीदाराशी वाद,सेक्शुअल ट्रॉमा अशी कारणं असू शकतात. त्यामुळे तिला यामधून बाहेर येण्यासाठी वेळ द्या.
पुरुषांप्रमाणेच स्त्रियांमध्ये सेक्सची इच्छा निर्माण करण्यासाठी व्यायामाचा उपयोग होतो. एक्सरसाईजमुळे आपलं शरीरं सुडौल होतं त्यामुळे कॉन्फिडन्स वाढतो. व्यायाम करण्यासाठी तिचा उत्साह वाढवा.
डिप्रेशनमध्ये असलेल्या माणसाचा मूड आणि वागणं नकारात्मक होऊ शकतो. त्यामुळे पत्नीला कोणत्या गोष्टीबद्दल तणाव वाटतोय हे जाणून घ्या.
एखाद्या महिलेला धुम्रपान किंवा मद्यपानाची सवय असेल तर,त्याचाही परिणाम सेक्स लाईफवर होतो. त्यामुळे व्यसनं सोडण्यासाठी पत्नीला प्रवृत्त करा.
इंटीमसीसाठी नवीन गोष्टी ट्राय करा. ज्यामुळे तिचा उत्साह वाढेल. एकाचवेळी, एकाच ठिकाणी, त्याच नेहमीच्या सवयीने सेक्स केल्यावर त्यातील नावीन्य आणि आकर्षण संपल्यासारखं वाटत असेल.