मुलांना दररोज डोळ्यांच्या व्यायामाची सवय लावा. त्यामुळे मुलांचे डोळे नेहमी निरोगी राहतील.
कोरोनाची अजून गेलेला नाही त्यामुळे मुलांच्या ऑनलाईन शाळा सुरू आहेत. त्यांचा जास्तीतजास्त वेळ घरी फोनवर किंवा लॅपटॉपवर जात आहे. त्यामुळे मुलांचे डोळे खराब होण्याची भीती पालकांच्या मनात निर्माण झाली आहे.
तज्ज्ञांच्यामते या काळात आपल्या मुलांचे डोळे सुरक्षित ठेवण्यासाठी काही खास गोष्टी लक्षात ठेवायला हव्यात. डोळे अतिशय नाजूक अवयव आहे. भविष्यातल्या नुकसानाचा विचार करता मुलांच्या डोळ्याची काळजी आजपासूनच घ्यायला हवी.
डोळ्यांचा कोणताही त्रास होत नसेल तरी, वर्षातून एकदातरी डॉक्टरांकडून डोळ्यांची तपासणी केली पाहिजे. मुलांचे डोळे दरवर्षी तपासले पाहिजेत.
कोरोनामुळे मुलांना बाहेर खेळण्यास परवानगी नसली तरी, आठवड्यातून 2 किंवा 3 दिवस कमीतकमी थोड्या वेळासाठी तरी त्यांना बाहेर न्या. शक्य असल्यास,आपल्या कारमधून बाहेर घेऊन जा आणि एखाद्या मोकळ्या टेकडीवर, पटांगणावर घेऊन जा, थोडं खेळू द्या.
वाढत्या वयातील मुलांचा आहार पौष्टिक असायला हवा. आहाराची काळजी घेतली तर मुलं निरोगी राहतात, त्यांची दृष्टी देखील चांगली रहाते.
त्यांना दूध,मासे,अंडी,मांस,ड्रायफ्रुट,फळं,भाज्या खायला द्या. मुलांना सगळ्या भाज्या आणि फळं खायची सवय लावा.
मुलांचे डोळे नाजूक असतात. मुलाला डोळ्यांचा त्रास असेल तर, इलेक्ट्रॉनिक डिव्हाईसवर जास्त वेळ घालवणं त्याच्यासाठी खुपच हानिकारक ठरू शकतं. त्यामुळे मुलांना थोड्याथोड्या वेळाने स्क्रिनवरून डोळे बाजूला घेण्याची सवय लावा.
जर मुलाला आधीच चष्मा लागलेला असेल तर, नियमितपणे लावणं फार महत्वाचं आहे. त्यामुळे स्कीनकडे पाहताना डोळ्यांवर जास्त ताण येणार नाही आणि डोळे खराब होणार नाहीत.
मुलांना डोळे दुखणं किंवा ताण येणं असा त्रास असेल तर, पालक अनेकदा मुलांच्या डोळ्यांत आयड्रॉप टाकतात. मात्र हे चुकीचं आहे. कोणताही आयड्रॉप वापरताना डॉक्टरांचा सल्ला घ्यावा.
डोळ्याचे व्यायाम नियमितपणे करणं खुप महत्वाचं आहे. मुलांना दररोज डोळ्यांच्या व्यायामाची सवय लावा. त्यामुळे मुलाचे डोळे नेहमी निरोगी राहतील.