नवी दिल्ली, 21 सप्टेंबर : सीआयएचे संचालक विल्यम बर्न्स (CIA Director William Burns) या महिन्यात आपल्या अधिकाऱ्यांसह भारत दौऱ्यावर आले होते. यावेळी त्यांनी ‘सीएनएन’ आणि ‘न्यूयॉर्क टाइम्स’समोर एक धक्कादायक खुलासा केला आहे. आपल्या अहवालात त्यांनी हवाना सिंड्रोम या गूढ आजाराच्या लक्षणांविषयी माहिती दिली. त्यांच्या मते, सुमारे 200 अमेरिकन अधिकारी आणि त्यांच्या कुटुंबातील सदस्य हवाना सिंड्रोमचे बळी ठरले आहेत. या गूढ रोगाच्या लक्षणांमध्ये मायग्रेन, उलट्या होणे, स्मरणशक्ती कमी होणे आणि चक्कर येणे यासारख्या लक्षणांचा समावेश आहे. 2016 मध्ये, क्यूबामधील अमेरिकन दूतावासात उपस्थित असलेल्या अधिकाऱ्यांमध्ये प्रथम या आजाराची लक्षणे आढळली होती. जाणून घ्या हा आजार काय? यामुळे अमेरिकन आणि कॅनेडियन हेर आणि दूतावासातील कर्मचारी जगभर त्रस्त झाले आहेत. 200 हून अधिक लोकांनी त्याच्या लक्षणांविषयी माहिती दिली आहे, हा रोग प्रथम क्यूबामध्ये सापडला, त्यानंतर ऑस्ट्रेलिया, ऑस्ट्रिया, कोलंबिया, रशिया आणि उझबेकिस्तानमध्ये दिसून आला. 24 ऑगस्ट रोजी अमेरिकेच्या उपाध्यक्ष कमला हॅरिस यांची व्हिएतनामला जाणारी फ्लाइट राजधानी हनोईमध्ये संशयास्पद घटनांमुळे उशीर झाली. मेंदूचे नुकसान 2016 मध्ये क्यूबाची राजधानी हवाना येथील अमेरिकन दूतावासात काम करणाऱ्या अनेक सीआयए अधिकाऱ्यांनी त्यांचे डोके जड होणे आणि मुंग्या आल्याच्या तक्रारी केल्या. ते सर्व उलट्या करत होते आणि त्यांना थकल्यासारखे वाटत होते, तसेच त्यांना काही लक्षात ठेवणे कठीण होते. यासह कानात दुखणे आणि ऐकण्यात अडचण येत होती. नंतर, जेव्हा त्यांचे मेंदू स्कॅन केला गेला, तेव्हा असे आढळून आले की, मोठा अपघात झाल्यानंतर किंवा बॉम्बस्फोटमध्ये जसा डोक्याला मार लागतो तसे नुकसान त्यांच्या डोक्याचे झाले होते. त्यानंतर लगेचच अमेरिकन सरकारने आपल्या दूतावासातील अर्ध्याहून अधिक कर्मचाऱ्यांना शहरातून माघारी बोलावले आहे. हे वाचा - Online Banking वापरून मिळवता येईल 5 वर्षांपूर्वीचे बँक स्टेटमेंट? वाचा काय आहे नियम यात रशियाचा हात आहे का? सुरुवातीला अमेरिकन अधिकाऱ्यांचा असा विश्वास होता की, यात ध्वनी शस्त्रांचा वापर केला गेला आहे, जे त्रासदायक आणि व्यक्तीला विचलित करणारे असू शकतात. परंतु हा सिद्धांत नंतर नाकारला गेला, कारण मानवी श्रवण बाह्य आवाजाच्या कंपनामुळे धडधडण्यासारखी लक्षणे होऊ शकत नाहीत. नंतर त्यांनी मायक्रोवेव्हबद्दल विचार केला. हे वाचा - Oneplus Nord 2 बाँबसारखा फुटल्याने थोडक्यात बचावला होता वकील, नुकसान भरपाईऐवजी कंपनीने दिलं असं उत्तर नॅशनल अकॅडमी ऑफ सायन्स, इंजिनीअरिंग अँड मेडिसिन (NASEM) ने गेल्या वर्षी प्रकाशित केलेल्या अहवालात असे सुचवले आहे की, मायक्रोवेव्ह बीम कोणतेही संरचनात्मक नुकसान न करता मेंदूच्या कार्याला हानी पोहोचवू शकतात. 2019 मध्ये, जर्नल ऑफ द अमेरिकन मेडिकल असोसिएशन (जामा) नेही याच निष्कर्षावर पोहोचले. NASEM च्या मते, रशिया 1950 पासून मायक्रोवेव्ह तंत्रज्ञानावर काम करत आहे, सोव्हिएत युनियन त्यांना मॉस्को येथील अमेरिकन दूतावासात स्फोट करण्यासाठी वापरत असे.