कोरोना रुग्णांची (corona patient) सेवा करणारे डॉक्टर (doctor), नर्स (nurse) पीपीई किटमागे किती सुरक्षित आहेत असंच वाटतं. मात्र त्यामागील त्यांच्या वेदना आणि जखमा पाहिल्या तर तुमच्या डोळ्यात पाणीच येईल.
कोरोनाव्हायरसमुळे कोरोना रुग्णांवर काय परिणाम होतो, रुग्णांची अवस्था किती खराब होते हे आतापर्यंत आपण पाहतच आलो आहोत. मात्र कधी या रुग्णांना वाचवण्यासाठी धडपडणाऱ्या कोरोना वॉरिअर्सचा विचार केला का? दुसऱ्यांचा जीव वाचवताना आपला कोरोनापासून बचाव करण्यासाठी कित्येक तास संपूर्ण शरीर पीपीई किटनं झाकून घेणारे डॉक्टर कोरोनापासून सुरक्षित असल्याचं वाटतं. मात्र यामागे त्यांना किती वेदना सहन कराव्या लागत आहेत, किती जखमा होत आहेत हे पाहिल्यावर अंगावर काटाच येईल.
आता हा चेहरा इतका सुंदर चेहरा. अमेरिकेच्या टेनेसीमधील ही नर्स गेल्या 8 महिन्यांपासून कोरोनाग्रस्तांची सेवा करते आहे. मात्र आता तिचा चेहऱ्याची अशी अवस्था झाली आहे की पाहून धक्काच बसेल.
ही तिच नर्स आहे, जिचा फोटो तुम्ही आता पाहिला. फोटो पाहून विश्वासही बसणार नाही. तिचा चेहरा पूर्णपणे बदलला आहे.
नर्सनं आपलं ट्वीटर अकाऊंट @kathryniveyy वर हा फोटो शेअर केला आहे. आपला 8 महिन्यांपूर्वी आणि आताचा फोटो शेअर करत आपली कशी अवस्था झाली आहे हे तिनं दाखवून दिलं.
असे बरेच डॉक्टर आणि नर्सचे फोटो याआधी व्हायरल झाले आहेत. आपल्यामुळे इतरांना संसर्ग होऊ नये यासाठी त्यांना चेहऱ्यावर गॉगल, मास्क, फेस शिल्ड आणि संपूर्ण शरीरावर वेगळा ड्रेसकोड चढवावा लागतो.
या डॉक्टरांनी आणि परिचारकांनी जेव्हा आपल्या चेहऱ्यावरचे गॉगल आणि मास्क हटवले तेव्हा त्यांचा चेहरा पाहून अंगावर शहारे आले. त्यांच्या चेहऱ्यावर अक्षरश: मास्कचे वळ उठले होते आणि सूज आली होती.
पाकिस्तानमधील खासदार नाज बलोच यांनीदेखील आपल्या अकाऊंटवर Scars for humanity in the line of duty असं कॅप्शन देत डॉक्टर आणि नर्सचे फोटो शेअर केले होते आणि या कोरोना योद्धांना सॅल्युट केलं होतं.
स्वत:चा जीव धोक्यात असतानाही जोखीम पत्करून डॉक्टर आणि नर्स रुग्णांची सेवा करत आहेत. यावेळी त्यांना मास्क आणि इतर उपकरणं लावावी लागतात. कित्येक तास दवाखान्यात काम करताना त्यांना ही उपकरणं शरीराला लावूनच फिरावं लागतं.
सतत मास्क लावल्यानं आणि इतर उपकरणे सोबत असल्यानं नर्स आणि डॉक्टर्सच्या शरीरांवर याचे परिणाम दिसू लागले आहेत.