कोरोनाच्या दुसऱ्या लाटेने देशात हाहाकार माजवला आहे. याचा सर्वाधिक धोका महाराष्ट्रात निर्माण झाला आहे. त्याचबरोबर कोरोनाचा नवा स्ट्रेन आढळून आल्याने सर्वांच्यात भीतीचं वातावरण निर्माण झालं आहे.
कोरोनाच्या दुसऱ्या लाटेने देशात हाहाकार माजवला आहे. याचा सर्वाधिक धोका महाराष्ट्रात निर्माण झाला आहे. त्याचबरोबर कोरोनाचा नवा स्ट्रेन आढळून आल्याने सर्वांच्यात भीतीचं वातावरण निर्माण झालं आहे.
त्याचबरोबर युके, दक्षिण आफ्रिका आणि ब्राझीलमध्ये B.1.1.7. हा नवीन कोरोना व्हेरीयेंट आढळून आला आहे. त्यामुळे आपल्या देशातही सतर्कता वाढली आहे.
कोरोनाचा वाढता प्रभाव बघून, केंद्र सरकारने लॉकडाऊन बाबत नवीन निर्बंध जाहीर केले आहेत. 1 एप्रिल ते 31 एप्रिल पर्यंत हे नियम लागू करण्यात येणार आहेत. तर जाणून घेऊया हे नवे निर्बंध काय आहेत.
कोरोनाचा वाढता प्रादुर्भाव बघून गृहमंत्रालयाने नवीन निवेदन जाहीर केलं आहे. यात कोरोनाशी लढण्यासाठी उपाय करण्याचा हक्क स्थानिक प्रशासनाला देण्यात यावा असं म्हटलं आहे. म्हणजे आत्ता स्थानिक, जिल्हा किंवा तालुका पातळीवर लॉकडाऊन होऊ शकतं .
या लॉकडाऊनमध्ये कोणत्याही प्रकारची जिल्हा बंदी नसणार आहे. राज्या-राज्यामधील प्रवासी वाहतूक सुरु राहील.
आत्ता कोणत्याही व्यवहारांवर बंदी घालण्यात येणार नाही. मात्र आवश्यक ते निर्बंध असणार आहेत. SOP चं पालन करून व्यवहार चालू ठेवण्यात येतील.
त्याचबरोबर कोरोनाचा जो नवा स्ट्रेन आला आहे, त्याचा जास्त धोका तरुणाईला असल्याचं सांगण्यात येत आहे.
या नव्या स्ट्रेनचे आत्तापर्यंत 795 रुग्ण आढळून आले आहेत. त्याचबरोबर आता वृद्धांसोबत तरुणांना देखील कोरोना लस देण्याची मागणी करण्यात येत आहे.
युकेच्या या नव्या स्ट्रेनवर कोव्हीशिल्ड लस फायदेशीर असल्याचा दावादेखील तज्ञांकडून करण्यात येत आहे.
पंजाबमध्ये 401 नमुन्यांपैकी 80 % तरुण नव्या युके स्ट्रेनने पोसिटीव्ह असल्याचं पंजाबचे मुख्यमंत्री अमरिंदर सिंग यांनी सांगितलं आहे.
आत्तापर्यंत 45 पेक्षा जास्त वय असलेल्या व ज्यांना इतरही आजार आहेत. अशा लोकांना लस देण्यात येत होती. मात्र आता 45 पेक्षा जास्त वय असलेल्या मात्र ज्यांना इतर कोणताही आजार नाही अशाही लोकांना लस देण्यात येणार आहे. 1 एप्रिलपासून हे लसीकरण सुरु होईल.