हे आरोप करताना ती सलमान खानवर चांगलीच भडकली आणि त्याला तिने दम देतच सुनावलंही.
मुंबई, 4 फेब्रुवारी : बॉलिवूडची आयटम गर्ल राखी सावंत ((Rakhi Sawant) सोशल मीडियावर बरीच अक्टिव्ह असते. आपल्या बोल्ड अंदाजासाठी ओळखली जाणारी राखी राजकीय क्षेत्रातही बिनधास्तपणे आपलं मत व्यक्त करते. खरं तर प्रसिद्धीच्या झोतात राहण्यासाठी ती नेहमी नवनव्या क्लृप्त्या शोधत असते. काही दिवसांपूर्वी राखीने आपल्या इन्स्टाग्राम अकाऊंटवरुन (Rakhi Sawant Instagram) असं काहीतरी शेअर केलं आहे की ज्यामुळे ती पुन्हा चर्चेत आली आहे. राखीने एक व्हिडिओ शेअर केला आहे, ज्यामध्ये ती कोरोना व्हायरसचा खात्मा करण्यासाठी चीनला रवाना होत आहे. राखी या व्हिडिओमध्ये कोरोना व्हायरसचा (Coronavirus) खात्मा करण्याचा दावा करतेय. गेल्या काही दिवसांपासून चीनमध्ये (China) कोरोना व्हायरसमुळे (Coronavirus) 300 हून जास्त लोकांचा मृत्यू झाला आहे.
राखी सावंतने फ्लाइटमधील एक व्हिडिओ शेअर केला आहे, ज्यामध्ये ती कोरोना व्हायरसचा उल्लेख करीत आहे. लोक या व्हायरसमुळे त्रस्त आहेत. हा व्हायरस संपविण्यासाठी मी चीनला जात असल्याचे राखी म्हणत आहे. इतकचं नाही तर चीनमधील कोरोना व्हायरसचा खात्मा करण्यासाठी तिने नासाहून औषधं आणल्याचा दावा केला आहे. आता ही औषधं ती चीनला घेऊन जात आहे. या व्हिडिओमध्ये तिने लाल रंगाचा ड्रेस घातला आहे. आणि गळ्यात मंगळसूत्रदेखील घातलं आहे. काही दिवसांपूर्वी राखी सांवतच्या लग्नावरुन तिने मोठा खुलासा केला होता. फ्लाइटमधील या व्हिडिओमध्ये ती चीनमध्ये कोरोना व्हायरस विरोधात लढण्यासाठी जात असल्याचे म्हटले आहे. या व्हिडिओमध्ये तिने मोदींजींनाही आवाहन केलं आहे.