उर्मिला मातोंडकर या लोकसभा निवडणूक 2019मध्ये राष्ट्रीय काँग्रेसच्या उत्तर मुंबईतील उमेदवार आहेत.
महाराष्ट्र दिनाचं निमित्त साधत अभिनेत्री आणि उत्तर मुंबईतील राष्ट्रीय काँग्रेसच्या लोकसभा उमेदवार उर्मिला मातोंडकर यांनी पारंपरिक मराठी पेहरावातील फोटो त्यांच्या फेसबुक पेजवर शेअर केले.
बॉलिवूडमध्ये यशस्वी करिअरनंतर बराच काळ मोठ्या पडद्यापासून दूर असलेल्या उर्मिला मातोंडकर यांनी काही दिवसांपूर्वी राजकीय क्षेत्रात पाऊल टाकलं. त्यांनी 27 मार्चला राहुल गांधी यांच्या उपस्थितीत राष्ट्रीय काँग्रेसमध्ये प्रवेश केला.
उत्तर मुंबईतून लोकसभा निवडणुकीचं तिकीट मिळाल्यानंतर निवडणूक प्रचारादरम्यान उर्मिलांचा वेगळा अंदाज पाहायला मिळाला. कधी रिक्षा चालवत तर कधी गाणं गात त्या निवडणुकीचा प्रचार करताना दिसल्या.
आज महाराष्ट्र दिनानिमित्त फेसबुकवर फोटो शेअर करताना उर्मिला मातोंडकर यांनी जमेल त्यावेळी शुद्ध आणि सुंदर मराठी बोलण्याचं आणि आपली संस्कृती जपण्याचं आवाहन केलं आहे.