‘ग्लुको बिक्सिट खाऊन दिवस काढले’; का कर्जबाजारी झाली होती तेजस्विनी पंडित?

तेजस्विनी पंडित ही मराठी मनोरंजनसृष्टीतील एक लोकप्रिय अभिनेत्री म्हणून ओळखली जाते. ग्लॅमरस लूक आणि जबरदस्त अभिनय शैलीच्या जोरावर जवळपास एक दशक ती चाहत्यांच्या मनावर राज्य करत आहे. (Tejaswini Pandit/Instagram)

तेजस्विनीनं अनेक मराठी चित्रपटांत दमदार भूमिका साकारल्या आहेत. अभिनयासोबतच ती एक डिझाइनर आणि चित्रकार म्हणूनही ती ओळखली जाते. (Tejaswini Pandit/Instagram)

रंगभूमीवरील प्रसिद्ध ज्येष्ठ अभिनेत्री ज्योती चांदेकर यांची ती मुलगी आहे. पण आईच्या पुण्याईवर काम मिळवण्याऐवजी तिनं स्वत: संघर्ष करण अधिक पसंत केलं. (Tejaswini Pandit/Instagram)

तेजस्विनीनं खडतर प्रवास करुन मनोरंजनसृष्टीत स्वत:ची अशी एक वेगळी ओळख प्रस्थापित केली. एकवेळ अशीही होती जेव्हा आम्ही अडीच महिने अंधारात राहिलो असं तेजस्विनी एका कार्यक्रमात म्हणाली होती. (Tejaswini Pandit/Instagram)

तेजस्विनीनं काही वर्षांपूर्वी झी मराठी वाहिनीवरील ‘कानाला खडा’ या कार्यक्रमात उपस्थिती लावली होती. या कार्यक्रमात तिनं भूतकाळातल्या संघर्षमय आठवणी जागवल्या होत्या. (Tejaswini Pandit/Instagram)

“आई त्यावेळी घरातली एकटी कमावती होती. एकावेळी ती चार नाटकांत काम करायची.” (Tejaswini Pandit/Instagram)

“नाटकांतून मिळणाऱ्या पैशांत घर चालायचं. मात्र आईचे सहकलाकार प्रशांत सुभेदार यांचं निधन झाल्यानं ती चारही नाटकं बंद पडली” (Tejaswini Pandit/Instagram)

“एक वेळ अशी आली की घरात फक्त 1 रुपया, मैदा आणि साखर तेवढी शिल्लक राहिली. त्यावेळी त्याच मैद्याची बिस्किटं खाऊन आम्ही दिवस ढकलला होता”, असा कटू अनुभव तिनं कार्यक्रमात सांगितला होता. (Tejaswini Pandit/Instagram)

“कर्जबाजारी झाल्यानं घरात वीजेचं बिल भरायलाही पैसे नव्हते. अडीच महिने आम्ही अंधारात राहिलो. लावणीचे प्रयोग नाईटवेअर कंपनीची जाहिरात करून चांगले पैसे मिळाले. या पैशांतून मी वीजबिल भरलं” (Tejaswini Pandit/Instagram)

तेजस्विनीनं अभिनेता अंकुश चौधरीसोबत पहिली जाहिरात केली. त्यानंतर केदार शिंदेच्या ‘अगं बाई अरेच्चा’ या चित्रपटातून मराठी सिनेसृष्टीत पदार्पण केलं. (Tejaswini Pandit/Instagram)