सुबोधनं शेअर केलेले हे फोटो सध्या सोशल मीडियावर सर्वांचेच लक्ष वेधून घेत आहेत.
सुबोध भावे हा मराठी मनोरंजनसृष्टीतील एक नामांकित अभिनेता म्हणून ओळखला जातो. गेली दोन दशकं तो विविध भूमिकांच्या माध्यमातून प्रेक्षकांचं मनोरंजन करत आहे.
चित्रपटांसोबतच तो सोशल मीडियावर देखील प्रचंड सक्रिय असतो. नुकतेच त्याने आपल्या पत्नीसोबतचे काही फोटो सोशल मीडियावर शेअर केले आहेत.
त्याच्या लग्नाचा आज 20 वा वाढदिवस आहे. या निमित्तानं त्यानं आपल्या लग्नातील काही फोटो शेअर करुन आपल्या पत्नीला लग्नाच्या वाढदिवसाच्या शुभेच्छा दिल्या आहेत.
सुबोधनं शेअर केलेले हे फोटो सध्या सोशल मीडियावर सर्वांचेच लक्ष वेधून घेत आहे. काही तासांत हजारो नेटकऱ्यांनी यावर प्रतिक्रिया देत सुबोध आणि त्याची पत्नी मंजिरी भावे यांना शुभेच्छा दिल्या आहेत.
सुबोधनं आतापर्यंत 100 पेक्षा अधिक चित्रपट आणि मालिकांमध्ये काम केलं आहे. भोळाभाबडा गावकरी ते लोकमान्य टिळक अशा विविध भूमिका त्यानं आतापर्यंत साकारल्या आहेत.