पॉकेटमनीसाठी सोनम कपूर करायची वेटरची कामं

सोनम कपूरचा आज वाढदिवस. स्टाइल आयकॉन म्हणून सोनमकडे पाहिलं जातं. सोशल मीडियावर आपलं मत ठामपणे मांडण्यासाठी तिला ओळखलं जातं. तिच्या वाढदिवसानिमित्त आम्ही आज तुम्हाला तिच्याशी निगडीत काही महत्त्वाच्या गोष्टी सांगणार आहोत.

मुंबईत जन्मलेल्या सोनमने सांवरिया सिनेमातून बॉलिवूडमध्ये पदार्पण केलं. मात्र ब्लॅक सिनेमासाठी तिने संजय लीला भन्साळी यांना असिस्टही केलं होतं.

सांवरिया सिनेमासाठी सोनमला फार मेहनत घ्यावी लागली होती. सिनेमात पदार्पण करण्यापूर्वी तिला वजन कमी करण्यास सांगितले होते. सिनेमासाठी सोनमने तेव्हा तब्बल ३५ किलो वजन कमी केलं होतं.

मीडिया रिपोर्टनुसार, सोनम पॉकेटमनीसाठी वेटरचं काम करायची. पण यात किती तथ्य आहे हे तर फक्त सोनमच सांगू शकते.

असंही म्हटलं जातं की, सोनमने तिच्या पहिल्या प्रियकराला या कारणासाठी सोडून दिलं कारण त्याने तिच्या वजनावर प्रश्न उपस्थित केले होते. सोनमला नाचायलाही फार आवडतं. फार कमी लोकांना हे माहीत आहे की, सोनम कथक डान्सर आहे.