...आणि सोनाली बेंद्रेनं असं केलं 'कम बॅक'

सोनाली बेंद्रे कॅन्सरवरील उपचारांनंतर मायदेशी परतली आहे. इथे आल्यावर तिने बऱ्याच काळानं एक जाहीर कार्यक्रम केला.

सोनाली बेंद्रे बुक क्लब अर्थात SBC नावाने सोनाली एक उपक्रम चालवते. त्याच्या कार्यक्रमाचं फेसबुक लाईव्ह सोनालीनं मुलाबरोबर केलं.

मुलगा रणवीरबरोबर पुस्तकावर चर्चा करताना खूप आनंद होतोय, अशी पोस्ट तिने सोशल मीडियावर शेअर केली होती.

केनेल ओपेलच्या Half Brother या पुस्तकावर आधारित चर्चेचा आणि गप्पांचा हा कार्यक्रम सोमवारी झाला.

फेसबुकवर सुरू केलेला हा बुक क्लब गेल्या वर्षीपासून अॅक्टिव्ह आहे.

या उपक्रमाला सुरुवात झाल्यानंतर सोनालीला कॅन्सर डिटेक्ट झाला आणि उपचारासाठी ती अमेरिकेला रवाना झाली.

आता रणवीरबरोबर हा बुमरँग व्हिडिओ शेअर करत सोनालीने आपण अॅक्टिव्ह झाल्याचे संकेत दिलेत.