श्रेया बुगडे ‘चला हवा येऊ द्या’ च्या माध्यमातून घराघरात पोहोचली आहे. ती संपूर्ण महाराष्ट्राची लाडकी बनली आहे.
श्रेया बुगडे 'चला हवा येऊ द्या' च्या माध्यमातून घराघरात पोहोचली आहे. ती संपूर्ण महाराष्ट्राची लाडकी बनली आहे. तिला पडद्यावर पाहणं चाहत्यांना नेहमीच आवडतं. श्रेया आता नव्या भूमिकेत आपल्या समोर येत आहे.
श्रेया बुगडे 'किचन कल्लाकार' मध्ये संकर्षणची जागा घेणार आहे. हे आम्ही तुम्हाला आधीच सांगितलं होतं. त्यांनतर आता श्रेया बुगडेनंसुद्धा सोशल मीडियावर पोस्ट शेअर करत याची माहिती दिली आहे.
श्रेयाने आपल्या इन्स्टाग्रामवर काही फोटो शेअर करत लिहिलं आहे, 'एका नवीन मंचावर .... एका नवीन भूमिकेत ...एक नवीन प्रयत्न ...
तिनं पुढं लिहिलं आहे, 'तुम्ही सगळ्यांनी आजवर मला भरभरून प्रेम दिलंय , आज मी एका नवीन भूमिकेत तुमच्या समोर येतेय.
"माझा हा प्रयत्न तुम्हाला कसा वाटला ते मला जाणून घ्यायला खूप आवडेल ... तुमचं प्रेम आहेच, ते अधिक वृद्धिंगत व्हावे हीच अपेक्षा ..."
झी मराठीने नुकताच या कार्यक्रमाचा नवा प्रोमो रिलीज केला आहे. यामध्ये भाऊ कदम, मृणमयी देशपांडे, गौतमी देशपांडे आणि कार्तिकी गायकवाड यांनी हजेरी लावलेली दिसत आहे.