रिया चक्रवर्तीनं पटकावला Most Desirable Women 2020 चा किताब
सुशांत मृत्यू प्रकरणामुळं रिया चक्रवर्ती (Rhea Chakraborty) सध्या प्रचंड चर्चेत आहे. या प्रकरणी तिला अटकही करण्यात आली होती. शिवाय बॉलिवूड ड्रग्ज प्रकरणातही तिचं नाव पुढे आलं होतं.
विविध प्रकरारच्या वादविवादांमुळं रियावर तुफान टीका करण्यात आली होती. काही संतापलेल्या लोकांनी तर तिच्या घराबाहेर उभं राहून घोषणाबाजी देखील केली होती.
मात्र इतकी प्रखर टीका होऊन देखील रिया चक्रवर्ती बॉलिवूडमधील सर्वात प्रभावी अभिनेत्री ठरली आहे. (Most Desirable Women 2020) टाईम्सनं नुकतीच सर्वात प्रभावी अभिनेत्रींची यादी जाहिर केली त्यामध्ये रिया पहिल्या स्थानावर आहे.
द टाइम्सकडून 50 मोस्ट डिझायरेबल वुमन 2020 ची यादी समोर आली आहे. गेल्या वर्षभरात सर्वाधिक चर्चेत राहिलेल्या अभिनेत्रींचा यात समावेश करण्यात आला होता.
ऑनलाईन वोटिंग झाल्यानंतर ही यादी समोर आली आहे. या यादीत कतरिना कैफ, दीपिका पदुकोण, दिशा पटानी यांसारख्या अनेक लोकप्रिय अभिनेत्रींना मागे सोडत रियानं पहिला क्रमांक पटकावला आहे.