खरोखर पोलीस खात्यात काम करणारी पल्लवी जाधव (PSI Pallavi Jadhav) आता ओरिजिनल दबंग गर्ल म्हणून ओळखली जाते. ती लवकरच अभिनेत्री म्हणून झळकणार आहे. हैद्राबाद कस्टडी या आगामी चित्रपटाची नायिका म्हणून दिसण्याआधीच पल्लवीने लग्नगाठ बांधली आहे. पाहा तिचे VIRAL झालेले फोटो..
हैद्राबाद कस्टडी या आगामी चित्रपटाची नायिका म्हणजेच पीएसआय पल्लवी जाधव नुकतीच लग्नबंधनात अडकली आहे.
पल्लवी ही मुळची औरंगाबाद जिल्ह्यातील कन्नड तालुक्यातील रेल गावची आहे. तिला लहानपणापासूनच अभिनेत्री व्हायचं होते. त्यादिशेने तिचे प्रयत्न देखील सुरू होते.
आर्थिक परिस्थिची जाण असलेल्या पल्लवीनं कॉलेजचे शिक्षण आणि त्यानंतर एमपीएससी परीक्षेचा अभ्यास सुरू केला
कमवा आणि शिका या योजनेतून 2015 साली 80 टक्के गुण मिळवून एम ए मानसशास्त्र विषयाची पदवी मिळवली. याच वर्षी दुसऱ्या प्रयत्नात पीएसआय परीक्षेत देखील यश मिळवलं
पल्लवीनं जयपूरमध्ये ग्लॅमॉन मिस इंडिया स्पर्धेत फर्स्ट रनरअप हा किताब जिंकला आहे. लवकरच बबन चित्रपट दिग्दर्शक भाऊराव कराडे यांच्या “हैद्राबाद कस्टडी” या चित्रपटात नायिका बनून पल्लवी प्रेक्षकांसमोर येणार आहे. (फोटो साभार-PSI पल्लवी जाधव इन्स्टा)