ही मराठी अभिनेत्री निर्मात्यांकडे मागत होती काम, आता उद्योजिका होऊन इतरांना करतेय मदत
कोरोनाच्या वाढत्या संक्रमणाचा मोठा फटका मनोरंजसृष्टीला बसला आहे. परिणामी सर्वसामान्य लोकांसोबतच अनेक नामांकित कलाकार मंडळी देखील बेरोजगार झाले आहेत.
लॉकडाउनच्या काळात काम मागणारे अनेक कलाकार आपण पाहिले. यामध्ये मराठ अभिनेत्री शाश्वती पिंपळेकर देखील होती.
“नमस्कार माझं नाव शाश्वती पिंपळेकर. मी एक अभिनेत्री आहे. जर एखाद्या वेब सीरिज, मालिका, चित्रपटात माझ्यायोग्य एखादी भूमिका असेल तर संपर्क साधावा.” असा मेसेज तिने सोशल मीडियाद्वारे दिला होता.
परंतु लक्षवेधी बाब म्हणजे काही महिन्यांपूर्वी इतरांकडे काम मागणाऱ्या या अभिनेत्रीने आता स्वत:च उद्योग क्षेत्रात पाऊल ठेवलं आहे.
तिने मुद्रपाकखाना नावाचं एक हॉटेल सुरु केलं आहे. या हॉटेलमध्ये मराठमोळ्या पद्धतीच जेवण मिळतं. या हॉटेलद्वारे तिने अनेक बेरोजगारांना काम देखील दिलं आहे.
शाश्वतीने आतापर्यंत ‘चाहूल’, ‘पक्के शेजारी’, ‘सिंधू’, ‘बालक पालक’ या मराठी चित्रपटांमध्ये काम केलं आहे.