तुला पाहते रे : ... म्हणून राजनंदिनी विक्रांतला देते होकार

'तुला पाहते रे' मालिकेत आता विक्रांत सरंजामेचा भूतकाळ सुरू झालाय. विक्रांतची पहिली बायको राजनंदिनीची गोष्ट सुरू आहे.

एकाच मालिकेत दोन कथा प्रेक्षक आवडीनं पाहतायत. ईशा-विक्रांतच्या गोष्टीप्रमाणे हीसुद्धा बरीचशी सारखी कथा आहे.

इथे राजनंदिनी श्रीमंत तर विक्रांत गरीब आहे. ईशाप्रमाणेच विक्रांतला राजनंदिनी रिक्षातच भेटली.येत्या काही दिवसांमध्ये मालिकेत आणि राजनंदिनीच्या आयुष्यात बरंच नाट्य घडणार आहे.

राजनंदिनीला विक्रांत प्रपोझ करणार आहे.राजनंदिनीला रफ आणि टफ पुरुष आवडतात. त्याचंच आकर्षण तिला पडतं. म्हणून ती विक्रांतला होकार देते.

ईशाचा मागचा जन्म म्हणजे राजनंदिनी, असं मालिकेत दाखवलंय. राजनंदिनीची भूमिका करणाऱ्या शिल्पाचा फॅनक्लब आहेच.

मराठी मालिकांपेक्षा शिल्पानं जास्त हिंदी मालिका केल्या. ब्योमकेश बक्षी, शांती या मालिकांतून तिची सुरुवात झाली. लेडीज स्पेशल, जाना ना दिल से दूर, कैसा ये प्यार है, क्यूँ होता है प्यार, टिचर या काही तिच्या गाजलेल्या मालिका.

आता मालिकेत राजनंदिनीचं आयुष्य समोर येतं. त्यात जयदीप छोटा दाखवलाय आणि तो साकारलाय सुबोध भावेचा मुलगा मल्हार भावेनं.

आता येत्या दिवसात विक्रांत राजनंदिनीला आधी प्रपोझ करणार आणि नंतर दोघांचं लग्न होणार. पुन्हा एकदा राजेशाही थाटमाट प्रेक्षकांना पाहायला मिळणार.