Farhan-Shibani Love Story: बॉलिवूडचा प्रसिद्ध अभिनेता फरहान अख्तर आणि शिबानी दांडेकर 19 फेब्रुवारीला लग्नबंधनात अडकणार आहेत. त्याचबरोबर आता फरहान आणि शिबानीच्या लग्नाआधीच्या कार्यक्रमांनाही सुरुवात झाली आहे.
Farhan-Shibani Love Story: बॉलिवूडचा प्रसिद्ध अभिनेता फरहान अख्तर आणि शिबानी दांडेकर 19 फेब्रुवारीला लग्नबंधनात अडकणार आहेत. त्याचबरोबर आता फरहान आणि शिबानीच्या लग्नाआधीच्या कार्यक्रमांनाही सुरुवात झाली आहे. फरहान अख्तर आणि शिबानी दांडेकर यांचा विवाह खंडाळा येथे 19 फेब्रुवारी रोजी मराठमोळ्या पद्धतीने होणार असल्याची बातमी आहे. तसेच या दोघांची लव्हस्टोरीही बरीच फिल्मी आहे. दोघांनी जवळपास चार वर्षे एकमेकांना डेट केलं आहे. त्यानंतर आता लग्न करण्याचा निर्णय घेतला आहे.
मीडिया रिपोर्ट्सनुसार, फरहान आणि शिबानीची पहिली भेट 'आय कॅन डू दॅट' या रिअॅलिटी शोच्या सेटवर झाली होती.
त्यावेळी फरहान हा शो होस्ट करत होता आणि शिबानी या शोची स्पर्धक होती. अशाप्रकारे फरहान आणि शिबानीला एकत्र करण्यात या शोचा मोठा वाटा आहे असंच म्हणावं लागेल.
आजतकच्या रिपोर्टनुसार, या रिएलिटी शोच्या शूटिंगदरम्यान फरहान आणि शिबानी एकमेकांच्या जवळ आले होते.
याच शोदरम्यान फरहान आणि शिबानी यांच्या अफेअरच्या बातम्याही समोर आल्या होत्या. दरम्यान शिबानीने एक फोटो शेअर केला होता. जो त्याचवेळी फरहाननेही पोस्ट केला होता. तेव्हापासून या दोघांच्या अफेअरच्या चर्चांनाही उधाण आले होते.
फरहान आणि शिबानी हे दोघेही 2018 मध्ये पहिल्यांदा एकत्र दिसले होते. रणवीर सिंह आणि दीपिका पादुकोणच्या लग्नाच्या रिसेप्शनमध्ये हे जोडपे एकत्र दिसले होते. तेव्हापासून फरहान आणि शिबानीने कधीही आपले नाते लपवले नाही.
2018 नंतर फरहान आणि शिबानीचे अनेक फोटो समोर आले होते. त्यांनतर दोघे अनेकदा खुलेपणाने आपले प्रेम व्यक्त करताना दिसले.