नवी दिल्ली, 20 फेब्रुवारी : ड्रायव्हिंग लायसन्सशी (Driving License) संबंधित एक महत्त्वाची बातमी समोर आली आहे. जुने ड्रायव्हिंग लायसन्स (Old DL) धारकांना ऑनलाइन नोंदणीसाठी परिवहन विभाग शेवटची संधी देत आहे. परिवहन विभागाने (Transport Department) देशातील सर्व जिल्ह्यांच्या डीटीओंना (DTO) हस्तलिखित डीएल लवकरात लवकर ऑनलाइन करण्यास सांगितले आहे. विभागाचे म्हणणे आहे की बॅकलॉक एंट्रीची तरतूद भारत सरकारच्या सारथी वेब पोर्टलवर 12 मार्चपर्यंतच उपलब्ध असेल. त्यामुळे 12 मार्चपासून हस्तलिखित जारी केलेल्या परवान्यांसह ड्रायव्हिंग लायसन्सची बॅकलॉक एन्ट्री करता येणार नाही. भारत सरकारच्या सूचनेनंतर ड्रायव्हिंग लायसन्स धारक ज्यांचे DL पुस्तिका किंवा हस्तलिखित स्वरूपात जारी केले गेले आहेत किंवा ते एखाद्या फॉर्म किंवा पुस्तिकेप्रमाणे आहेत, ते सर्व आता ऑनलाइन केले जाणार आहेत. अशा लोकांना 12 मार्च रोजी दुपारी 4 वाजेपर्यंत राज्यांच्या जिल्हा परिवहन कार्यालयात मूळ परवान्यासह ऑनलाइन प्रवेश करणे बंधनकारक असेल. याबाबतचा आदेश परिवहन विभागाने राज्यातील सर्व आरटीओंना जारी केला आहे. Online PF Transfer साठी आहे सोपी प्रोसेस, पाहा कसं कराल अप्लाय आता हस्तलिखित डीएलचे काय होणार? हस्तलिखित DL ठेवण्यात खूप समस्या आहे. ते ओले होण्याची, फाटण्याची किंवा खराब होण्याची भीती नेहमीच असते. दुसरीक़े चिप कार्डचे नुकसान होण्याचा धोका जवळजवळ नगण्य आहे. तसेच परवाना तपासणीदरम्यान अशा डीएलबाबतच्या शंकाही दूर होतात. ऑनलाइन झाल्यानंतर, सारथी वेब पोर्टलवर DL ची संपूर्ण माहिती उपलब्ध होईल, जी कोणीही कुठेही पाहू शकेल. कोरोनाच्या काळात सर्वसामान्यांना अनेक सवलती मिळत आहेत. या क्रमाने केंद्रीय रस्ते वाहतूक आणि महामार्ग मंत्रालयाने देखील वाहन चालविण्याचा परवाना, नोंदणी प्रमाणपत्र, परमिट यासह आरटीओशी संबंधित अनेक कामांची तारीख वारंवार वाढविली आहे. परंतु, आता अशी सूट रद्द केली जात आहे. अशा परिस्थितीत आजच्या तारखेत आधारशी DL लिंक करणे हे एक महत्त्वाचे काम बनले आहे. डीएल ऑनलाइन केल्याने सर्व माहिती सहज उपलब्ध होईल. त्यामुळे वाहनचालक परवाना आणि आधार कार्ड लिंक करण्याचे आदेशही परिवहन विभागाने जारी केले आहेत.